आधी तिच्यावर केले ब्लेडने वार, मग उचलले तरुणाने हे पाऊल

अंकुश चव्हाण
अंकुश चव्हाण
Updated on

आर्णी (जि. यवतमाळ) : सतरा वर्षीय युवतीच्या गळ्यावर ब्लेडने प्राणघातक हल्ला करून आरोपी तरुणाने विहिरीत उडी घेऊन आत्महत्या केली. ही घटना तालुक्‍यातील नाईकनगर हेटी येथे शनिवारी (ता. 14) घडली. अंकुश ऊर्फ गोलू भारत चव्हाण (वय 23, रा. नाईकनगर हेटी) असे आत्महत्या केलेल्या तरुणाचे नाव आहे.

दरम्यान, हल्ल्यात गंभीर जखमी युवतीवर यवतमाळच्या शासकीय रुग्णालयात शस्त्रक्रिया करण्यात आली. तिच्यावर उपचार सुरू आहेत.

युवती घरात होती एकटी

युवती घरी एकटी असताना शनिवारी सकाळी साडेनऊ वाजता संशयित आरोपी अंकुश ऊर्फ गोलू भारत चव्हाण हा घरात आला व त्याने युवतीची छेडखानी केली. तिने त्याला विरोध केला असता, आरोपीने तिच्या गळ्यावर ब्लेडने वार करून जीवे मारण्याचा प्रयत्न केला. दरम्यान, युवतीच्या काकांनी घराकडे धाव घेतली असता, आरोपी अंकुश घरातून पळून जाताना दिसला.

युवती पडली रक्ताच्या थारोळ्यात

पुतणी रक्ताच्या थारोळ्यात पडली होती. काकासह शेजाऱ्यांनी जखमी युवतीला दुचाकीने आर्णी ग्रामीण रुग्णालयात आणले. डॉक्‍टरांनी प्राथमिक उपचार करून यवतमाळ येथील शासकीय रुग्णालयात हलविले.
दरम्यान, या युवतीवर शस्त्रक्रिया करण्यात आली असून, तिच्यावर यवतमाळ येथील वसंतराव नाईक वैद्यकीय महाविद्यालयात उपचार सुरू आहेत.

अन्‌ त्याने केली आत्महत्या

याबाबत युवतीच्या नातेवाइकांनी आर्णी पोलिस ठाण्यात फिर्याद दिली. अंकुश ऊर्फ गोलू भारत चव्हाण (वय 23, रा. नाईकनगर हेटी) यांच्याविरुद्ध पोलिसांनी गुन्हा दाखल केला. त्यानंतर अंकुश ऊर्फ गोलू भारत चव्हाण याने शनिवारी केळझरा कोमटी शेतशिवारातील जयसिंग भिकू पवार यांच्या शेतामधील विहिरीत उडी घेऊन आत्महत्या केली.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com