रावणवाडी (जि. गोंदिया) - अपेक्षित मार्गाने न जाता दुसऱ्याच मार्गाने जाणाऱ्या ऑटोतून भयभित झालेल्या एका युवतीने उडी घेतली. त्यानंतर ऑटोचालकाविरूद्ध रावणवाडी पोलिसात तक्रार केली..या तक्रारीवरून पोलिसांनी गुन्हा दाखल करीत ऑटोचालकाला अटक केली. ही घटना गुरुवारी (ता. २६) सायंकाळी सहाच्या सुमारास शिरपूर परिसरात घडली.यातील पीडित युवती ही स्वगावी परसवाडा येथे जाण्याकरिता रावणवाडी येथून ऑटोत बसली. ती ऑटोत एकटीच होती. दरम्यान, ऑटोचालक विकास आनंद मडामे (रा. कोचेवाही) याने रावणवाडीत बोपचे पेट्रोलपंपावर पेट्रोल भरल्यानंतर तो शिरपूरमार्गे परसवाडा येथे जाण्याकरिता निघाला..मात्र, ऑटो वेगळ्याच मार्गाने जात असल्याने आणि निर्जनस्थळ असल्याने तिला ऑटो चालकावर संशय आला. तिने त्याला याबाबत विचारले. परंतु, त्याने समाधानकारक उत्तर दिले नाही. त्यामुळे तिने थेट ऑटोतून उडी मारली..घरच्यांना भ्रमणध्वनीवर संपर्क साधला. त्यानंतर थेट कुटुंबासह पोलिस ठाणे गाठून तक्रार दाखल केली. या तक्रारीवरून पोलिसांनी गुन्हा दाखल करीत आरोपी ऑटोचालक विकास मडामे याला अटक केली आहे. पुढील तपास सुरू आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
