तलावाच्या पाण्यावर योगा करून त्यांनी साजरा केला जागतिक योगा दिन 

yoga day
yoga day

अमरावती  : कोरोनाच्या प्रादुर्भावामुळे जागतिक योगदिनी सामूहिक योगासने करण्याचे समारंभ आयोजित केले गेले नसले तरी, स्वत:च्या आरोग्याची काळजी घेण्यासाठी अनेकांनी सुरक्षितता लक्षात घेऊन आपल्या परीने योगासने केली.

आयुक्तालयाच्या पोलिस मुख्यालयातील शिपाई प्रवीण आखरे यांच्याकडे पोलिस जलतरण तलावाची निगा राखण्याची जबाबदारी आहे. जागतिक योग दिनाचे औचित्य साधून आखरे यांनी तलावाच्या पाण्यावर विविध योगासनांचे प्रात्यक्षिक सादर करून फिटनेसचा मंत्र दिला. 

पोलिस शिपाई आखरे हे जिल्हा आपत्ती व्यवस्थापनासाठी गठित टिमचे सदस्य आहेत. दरम्यान, पहाटे फिरण्यासाठी जिल्हा प्रशासनाने खेळांची मैदाने सुरक्षित अंतर ठेवून व्यायामासाठी खुली केली असली तरी जागतिक योगदिनी त्याठिकाणी गर्दी दिसत नाही. शहरातील छत्री तलाव, चांदूररेल्वे मार्गासह निर्जनस्थळी फिरायला जाणाऱ्यांनी नियमित व्यायाम म्हणून योगासने केल्याचे चित्र जागतिक योगदिनी दिसून आले. मालटेकडी परिसरात मात्र शुकशुकाट होता. जागतिक योग दिवस साजरा करण्यात आला तरीही जाहीर प्रात्यक्षिक सादर करण्याचे आवाहन प्रशासनाकडून करण्यात आले नाही. 

ऑनलाइन योग 

अनेक ठिकाणी झूम ऍप तसेच अन्य माध्यमांतून सामूहिक योगासनात सहभाग नोंदविण्यात आला. त्यात उपस्थित राहणाऱ्यांची संख्यासुद्धा चांगलीच होती. आंतरराष्ट्रीय योग दिनानिमित्त श्री हनुमान व्यायाम प्रसारक मंडळातर्फे पाच दिवसीय वेबिनार सिरीजचे आयोजन करण्यात आले. 

खासदार, आमदारांचा योग 

खासदार नवनीत राणा तसेच आमदार रवी राणा यांनी काही युवक व युवतींसोबत आज योगासने केली. कोरोनाच्या या काळात आपले आरोग्य उत्तम राखण्यासाठी योगासने उपयुक्त असल्याने सर्वांनी ती करावीत व आपली प्रतिकारशक्ती वाढवावी, असे आवाहन नवनीत राणा यांनी केले. 

शाळांचासुद्धा पुढाकार 

कोरोनामुळे सध्या सर्व शाळा बंद असल्या तरी येथील मणीबाई गुजराथी शाळेने "लॉकडाउन में होगा, मणीबाई मे योगा' अशी थीम निश्‍चित करून विद्यार्थ्यांना योगाचे महत्त्व पटवून दिले. 
 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com