अमरावती - शहरातील महिला पोलीस कर्मचाऱ्याच्या हत्याप्रकरणी फ्रेजरपुरा पोलिसांनी पतीपाठोपाठ त्याच्या प्रेयसीलाही सोमवारी (ता. चार) रात्री अटक केली. पोलीस निरीक्षक रोशन शिरसाट यांनी प्रेयसीच्या अटकेला दुजोरा दिला..आशा राहुल तायडे (वय-35, रा. गुरुकृपा कॉलनी, अमरावती) या महिला पोलीस शिपायाची चार दिवसापूर्वी पती राहुल भाऊराव तायडे (वय-40) याने पद्धतशीर प्लॅन रचून हत्या केली होती. हत्येसाठी त्याने दोघांना दहा लाखाची सुपारी दिली होती. गळा आवळून तिची दोघांनी हत्या केली होती..या प्रकरणात ठाण्यात हत्येचा गुन्हा दाखल झाला. सदर प्रकरणात फ्रेजरपुरा पोलिसांनी हत्येची सुपारी घेनाऱ्या त्या दोघांना आज सोमवारला अटक केली होती. आशा हिचा पती जो एसआरपीएफमध्ये पोलीस कर्मचारी आहे, त्याला घटनेच्या दिवशीच पोलिसांनी अटक केली होती.त्यामुळे महिला पोलिसाच्या हत्या प्रकरणात अटक झालेल्या संशयीतांची संख्या चार वर पोहोचली आहे. आशा तायडे हिचा पती राहुल याला न्यायालयीन कोठडी सुनावल्याने त्याची रवानगी मध्यवर्ती कारागृहात करण्यात आली..हल्लेखोरांना नेले घटनास्थळीज्या दोघांनी गळा आवळून महिला पोलिसाची हत्या केली त्या दोघा संशयीतांना तपास अधिकाऱ्यांनी सोमवारला सायंकाळी गुरुकृपा कॉलनी येथील घटनास्थळी नेऊन त्यांची चौकशी केली..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
