Yavatmal: प्रेमविवाहानंतर नवविवाहितेचे कथित अपहरण; चौघांविरुद्ध गुन्हा, घरातून जबरदस्तीने नेल्याचा पतीचा आरोप

घाटंजी: नोंदणी विवाहानंतर स्वतंत्र संसाराची स्वप्ने पाहणार्‍या नवदाम्पत्याच्या आयुष्यात अनपेक्षित वळण आले आहे. पत्नीला तिच्या आई-वडिलांनी व नातेवाइकांनी घरातून जबरदस्तीने कारमध्ये बसवून नेल्याचा आरोप पतीने केला असून, या तक्रारीवरून घाटंजी पोलिसांनी चौघांविरुद्ध गुन्हा दाखल केला आहे. या घटनेनंतर संबंधित तरुणी अद्याप बेपत्ता असल्याने प्रकरणाची गंभीरता वाढली आहे.