यवतमाळ : विषारी औषध (Toxic drug taken) पिऊन प्रेमीयुगुलाने आत्महत्या (Lovers suicide) केली. ही घटना गुरुवारी (ता. १६) सकाळी सावळी दूरक्षेत्रमधील गुढा येथील गिढाई टेकडीजवळ उघडकीस आल्याने एकच खळबळ उडाली. विशाल दत्ता आगीरकर (वय २८, रा. राणी धनोडा, ता. आर्णी) व पूनम संजय राऊत (वय १८, रा. बोंडगव्हाण) अशी मृतांची नावे आहेत.
पोलिसांनी दिलेल्या माहितीनुसार, दोघेही नात्यात येत असल्याने ओळखीचे रूपांतर प्रेमात झाले. दोघांनीही सोबत जीवन जगण्याची शपथ घेतली. मात्र, प्रेमाला कुटुंबातून विरोध (Family's opposition to love) झाला. त्यामुळे विशाल व पूनम सोमवारी (ता. १३) घरून बाहेर पडले. दोन दिवस परिसरातच फिरले. एकत्र जगू शकत नसल्याने एकत्रच मृत्यू स्वीकारण्याचा निश्चय विशाल व पूनम यांनी केला.
बुधवारी (ता. १५) रात्री आर्णी तालुक्यात येणाऱ्या गिढाई टेकडीजवळ दोघांनीही विषारी औषध (Lovers suicide) प्याले. यातच त्यांचा मृत्यू झाला. एकमेकांना मिठी मारून मिठीतच त्यांनी अखेरचा श्वास घेतला. गुरुवारी (ता. १६) सकाळी घटना उघडकीस येताच खळबळ उडाली. पोलिस पाटील नितीन खोडे यांनी पारवा पोलिसांना घटनेची माहिती दिली.
पोलिसांनी तत्काळ घटनास्थळ गाठून पंचनामा केला. मृतदेह शवविच्छेदनासाठी पाठविले. याप्रकरणी आकस्मिक मृत्यूची नोंद करण्यात आली आहे. पुढील तपास पारवा पोलिस ठाण्याचे ठाणेदार विनोद चव्हाण यांच्या मार्गदर्शनाखाली गजानन शेलुलकार व सुरेश येलपूरवार करीत आहेत.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.