Maharashtra Temple Trust : मंदिरांच्या कारभारात पारदर्शकता आणण्यासाठी राज्यस्तरीय महापरिषद; ५ डिसेंबरला अमरावतीत विश्वस्तांचा मेळावा, मुख्यमंत्री देवेंद्र फडणवीस यांनाही निमंत्रण

अमरावती : महाराष्ट्रातील मंदिर संस्थानांची विश्वस्त व्यवस्था अधिक पारदर्शक, सक्षम व गतिमान व्हावी तसेच राज्यभरातील मंदिर विश्वस्तांना विविध कायदेशीर, प्रशासकीय आणि व्यवस्थापनविषयक प्रश्नांवर योग्य मार्गदर्शन मिळावे, या उद्देशाने महाराष्ट्र देवस्थान समिती व धर्मदाय आयुक्त कार्यालयाच्या संयुक्त विद्यमाने पाच डिसेंबरला राज्यस्तरीय महापरिषदेचे आयोजन केले आहे.