दोन वर्षांपासून पत्नी, मुलगी जवळ राहत नसल्याचे घेतले मनावर; रागारागात घेतला हा निर्णय

तिवसा (जि. अमरावती) : येथील ग्रामीण रुग्णालय जवळ असलेल्या एका शेतात असलेल्या विहिरीत उडी घेऊन ४० वर्षीय इसमाने आत्महत्या केली. ही घटना आज सकाळी उघडकीस आली. घटनेची माहिती परिसरात पसरताच नागरिकांनी पाहण्यासाठी गर्दी केली होती. प्रशांत मुकुंदराव गोरडे (रा. होळकर चौक, तिवसा) असे आत्महत्या करणाऱ्या इसमाचे नाव आहे.

पोलिसांनी दिलेल्या माहितीनुसार, तिवसा ग्रामीण रुग्णालयानजिक असलेल्या श्रीराम पाटील यांच्या शेतातील विहिरीत गोरडे यांनी पहाटे उडी घेऊन आत्महत्या केल्याची बाब आज सकाळी नऊ वाजताच्या सुमारास उघडकीस आली. त्याच्या आत्महत्येमागील कारण अद्याप स्पष्ट झालेले नाही. त्यांच्या पाश्चत पत्नी, मुलगी, आई-वडील असा परिवार आहे.

अधिक माहितीसाठी - बालविवाह संबंधी सुरू होती जनजागृती; अधिकाऱ्यांच्या कानात माहिती देताच सुरू झाली धावाधाव

तिवसा पोलिसांनी घटनास्थळी धाव घेऊन विहिरीत असलेला मृत्यूदेह बाहेर काढला. तिवसा ग्रामीण रुग्णालयात शवविच्छदानासाठी पाठविण्यात आला आहे. घटनेचा पुढील तपास तिवसा पोलिस करीत आहे.

मृत प्रशांत गोरडे यांच्या वडिलांच्या नावाने अडीच एकर शेत आहे. ते शेतातील सर्व कामे करीत होते. मात्र, दोन वर्षांपासून पत्नी व मुलगी जवळ नसल्याने ते मानसिक तणावात असल्याचे बोले जात आहे. त्यामुळे त्यांनी हा टोकाचा पाऊल उचला असावा अशी चर्चा देखील होत आहे.