टेकाडी (जि. नागपूर): वेकोली परिसरातील नाल्याकाठावर शौचास गेलेल्या २२ वर्षीय युवकाचा पाण्यात बुडून मृत्यू झाला.घरी पाहुणे आले असल्याने मृतक युवक हा बाहेर नाल्यात शौचासाठी आलेला होता दरम्यान तोल गेल्याने तो नाल्याच्या खोल पाण्यात पडला.
तब्बल एक तासाच्या प्रयत्नानंतर मृतक युवकाला नाल्याच्या बाहेर काढण्यात यश आल्यानंतर रुग्णालयात त्याला मृत घोषित कररण्यात आले होते.निखिल सुखलाल गजभिये वय २२ राहणार शिवनगर,कांद्री वार्ड नंबर ४ अशे मृत युवकाचे नाव आहे.
फिर्यादी निकेश चवरे यांनी दिलेल्या माहितीनुसार बुधवार सकाळी ११ च्या सुमारास मृतक निखिल हा कांद्री शिवार अंतर्गत असलेल्या वेकोली परिसरातील नाल्याच्या काठावर शौच करायला गेलेला होता.दरम्यान बाहेर निघतांना त्याचा पाय घसरून तो नाल्यात पडला असावा अशी माहिती काही लोकांनी निखिलच्या कुटूंबियांन दिली.कन्हान पोलिसांना घटनेची माहिती मिळताच त्यांनी तात्काळ घटना स्थळ गाठले
परंतु नाल्यातील पाण्याची पातळी जास्त असल्याने निखिलला बाहेर निघता जमेना मदतीला आलेल्या नागरिकांनी तब्बल एक तास प्रयत्न करून निखिलला कशे बशे बाहेर काढून तात्काळ कामठी उपजिल्हा रुग्णालयात उपचारासाठी नेले मात्र डॉक्टरांनी त्याला मृत घोषित केले होते.
कन्हान पोलिसांनी पंचनामा करून मृतदेह ताब्यात घेत शवविच्छेदना साठी ताब्यात घेतले.निखिलच्या मृत्यू नंतर परिसरात हळहळ व्यक्त केली जात असून त्याच्या मागे आई वडील आणि एक बहीण असा मोठा कुटूंब आहे.
संपादन - अथर्व महांकाळ
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.