वर्धा येथील कापसाच्या जिनिंग प्रेसिंगला आग

वर्धा : तालुक्यातील वर्धमनेरी येथील निरकारी कोट्क्स ओईल मिल व जिनिंग प्रेसिंग फॅक्ट्रीला लागलेल्या आगीत १८ हजार क्विंटल कापूस जळून खाक झाला. ही घटना मंगळवारी (ता. २६) दुपारी साडेतीन वाजता घडली. यात अंदाजे १० करोड रुपयांचे नुकसान झालेले आहे.

कापसाच्या गाठी बांधणाऱ्या बोयलरच्या घर्षणाच्या ठिणगीमुळे ही आग लागली हे निरंकारी कोटेक्स प्रताप ठाकूर आणि प्रकाश कटियारी यांच्या मालकीचे आहेत. आर्वी नगर पालिका अग्निशामक चांदूररेल्वे, धामणगाव, पुलगांव या चार ठिकाणचे अग्निशामक यंत्रणेने आग आटोक्यात आणली. कोटेक्स मधील आग विझवण्याच्या साहित्याने कामगार आणि नागरिक यांनी पाणी टाकून विझविण्याचे प्रयत्न केले पण आगीने रौद्र रुप धारण केले. अग्निशामक यंत्रणेने आग आटोक्यात आणली असून कापूस धुमसत आहेत.