अचलपूर (जि. अमरावती) - कोरोनाच्या पार्श्वभूमीवर मेडिकल कचरा वाढला असून त्याची व्यवस्थित विल्हेवाट लावण्याऐवजी रस्त्याच्या आजूबाजूला तो टाकून दिला जात असल्याचा धक्कादायक प्रकार आढळून आला आहे. धामणगावगढी ते चिखलदरा मार्गावरील घाटात वैद्यकीय साहित्याचा कचरा रस्त्याच्या कडेला टाकून दिल्याने नागरिकांसह जनावरांचे आरोग्य धोक्यात आले आहे. याप्रकारामुळे आरोग्य विभागाचा बेजबाबदारपणा मात्र उघडकीस आला आहे.
कोरोना संसर्गामुळे सध्या वैद्यकीय कचरा वाढला आहे. कोरोनाला आळा घालण्यासाठी दररोज लसीकरण करण्यात येत आहे. मात्र या लसीकरणासाठी वापरण्यात येणाऱ्या इंजेक्शनच्या सुया, हातमोजे, मास्क याचा वापर वाढला असल्याने त्याचा कचराही मोठ्या प्रमाणावर तयार होत आहे. परंतु या वैद्यकीय कचऱ्याची व्यवस्थित विल्हेवाट लावण्याऐवजी तो कचरा हा बाहेर नेऊन टाकला जात असल्याचा धक्कादायक प्रकार आढळून आला आहे.
धामणगावगढी येथील सामाजिक कार्यकर्ते सागर डांगे हे मॉर्निंग वॉकला जात होते. ते धामणगावगढी-चिखलदरा मार्गावर रस्त्याच्या कडेला थांबले असताना त्यांना लसीकरणासाठी वापरण्यात येणारे इंजेक्शन, सुया तथा इतर वैद्यकीय साहित्य टाकून दिलेले आढळून आले. या कचऱ्याची योग्य विल्हेवाट लावण्याऐवजी तो अशाप्रकारे फेकण्यात येत आहे. या प्रकारामुळे नागरिकांसह जनावरांचे आरोग्य धोक्यात आले आहे. सोबतच हा वैद्यकीय कचरा टाकून पर्यावरणाचा ऱ्हास केला जात आहे. त्यामुळे हा कचरा फेकणाऱ्या आरोग्य विभागातील कर्मचाऱ्यांवर कार्यवाही करण्याची गरज निर्माण झाली आहे.
धामणगावगढी ते चिखलदरा मार्गावर जिथे हा वैद्यकीय कचरा आढळून आला तेथून धामणगावगढी गाव जवळच आहे. त्यामुळे असा कचरा फेकल्याने नागरिकांसह जनावरांचेही आरोग्य धोक्यात आले आहे.
- सागर डांगे, धामणगाव गढी
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
