नागपूर : पंतप्रधान नरेंद्र मोदी यांच्या हस्ते हिंगणा मार्गावरील मेट्रोचे लोकार्पण करण्यात येणार असल्याने मंगळवारी सकाळपासून मेट्रो रेल्वे सुरक्षा आयुक्त (सीएमआरएस) कार्यालयाच्या पथकाने पाहणी केली. हिंगणा येथे मेट्रो डेपो तसेच लोकमान्यनगर स्टेशनला त्यांनी भेट देऊन मेट्रो अधिकाऱ्यांसोबत सुविधांबाबत चर्चा केली.
हिंगणा मार्गावरील मेट्रो प्रकल्पाला शनिवारी (ता. 7) हिरवी झेंडी दाखविण्यात येणार आहे. त्यामुळे संपूर्ण तपासण्या पूर्ण करण्यात येत आहे. मेट्रोच्या विविध चाचण्यासाठी आयुक्त जनककुमार गर्ग यांच्या नेतृत्वात के. एल. पुर्थी, विवेक वाजपेयी, ऋषभकुमार यांचा समावेश असलेले पथक मंगळवारी आले. तीनदिवसीय दौऱ्यातील पहिल्या दिवशी पथकाने हिंगणा येथील मेट्रो डेपो तसेच लोकमान्यनगर स्टेशनची पाहणी केली. हिंगणा डेपो येथे रोलिंग स्टॉक रूम, डेली रिपोर्टस, ट्रेन व्हाल मशीन, डेपो कंट्रोल रूम, मेट्रो रूट मॅप, सिग्नलिंग प्रणाली आदींची पाहणी केली.
मेट्रोच्या अधिकाऱ्यांनी सीएमआरएस अधिकाऱ्यांना प्रकल्पाची माहिती दिली. "सीएमआरएस' अधिकाऱ्यांनी महत्त्वाच्या कागदपत्रांची पाहणी करून रोलिंग स्टॉकचे निरीक्षण केले. यात मेट्रोच्या इमर्जन्सी फ्रंट डोअर व सुरक्षा उपकरणांची तपासणी केली. डेपोत उपस्थित अधिकारी आणि कर्मचाऱ्यांशी जनककुमार गर्ग यांनी संवाद साधला. हिंगणा डेपो येथे "सीएमआरएस' अधिकाऱ्यांनी महामेट्रोचे व्यवस्थापकीय संचालक डॉ. ब्रजेश दीक्षित यांची भेट घेतली. प्रवासी सेवेनिमित्त आवश्‍यक सोयी सुविधांचा आढावा अधिकाऱ्यांनी घेतला. लोकमान्यनगर मेट्रो स्टेशन येथे सुविधांची पाहणीही अधिकाऱ्यांनी केली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.