यवतमाळ : कोरोनापासून (coronavirus) प्रत्येकाचा जीव वाचविण्यासाठी शासन व प्रशासन दिवसरात्र राबत आहे. नागरिकांनी घरात सुरक्षित राहावे, ही अपेक्षा व्यक्त केली जात आहे. मात्र, कोरोना निर्बंधात रक्ताच्या नात्यावरच वार करून खात्मा (murdere) केला जात आहे. घाटंजी व झरी तालुक्यांमध्ये घडलेल्या सलग घटनांनी समाजमन चिंतित झाले आहे. (Murder of two in Yavatmal district)
घाटंजी तालुक्‍यातील पारवा पोलिस ठाण्याच्या हद्दीत येणाऱ्या झापरवाडी येथे मुलाने वडिलांचा खून केला. महादेव बापूराव गेडाम (वय ६०) असे मृताचे नाव आहे. पोलिसांनी मारुती महादेव गेडाम (वय ३०) याला अटक केली. या घटनेची शाई वाळत नाही, तोच झरीजामणी तालुक्‍यातही खुनाची घटना घडली.
कौटुंबिक कलहातून रागाच्या भरात मुलाने वडिलांच्या छातीत सुरा भोसकून खून केल्याची घटना घडली. नथ्थू केशव आसुटकर (वय ४८, रा. भंडाळा) असे मृताचे नाव आहे. पोलिसांनी वैभव आसुटकर (वय १९) याला अटक केली. कोरोनाच्या कडक निर्बंधांत कुटुंबाला एकत्र राहण्यासाठी वेळ मिळाला. मात्र, त्यात वादाची ठिणगी अधिक प्रमाणात पडत आहे. हाताला काम नसणे, एकाच ठिकाणी बंदिस्त राहावे लागत असल्याने तरुणाईची मानसिकता धोक्‍यात येत असल्याचे या घटनेवरून दिसून येत आहे.
(Murder of two in Yavatmal district)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
