नागपूर : भाजपचे (BJP) नेते आणि आमदार आशिष शेलार (Ashish Shelar) यांना कुटुंबीयांसह ठार मारण्याची धमकी देण्यात आली. आशिष शेलार यांना सतत दोन वेगवेगळ्या मोबाइल नंबरवरून धमकी (threat call) देण्यात येते आहे. आशिष शेलार नेहमी सरकार विरोधात भूमिका मांडतात. सरकारमधला भ्रष्ट्राचार ते काढत असतात, यामुळेच त्यांना धमकी दिली गेली असावी, असे विरोधी पक्षनेते देवेंद्र फडणवीस (devendra fadnavis) म्हणाले.
धमकी मिळाल्यानंतर आशिष शेलार यांनी मुंबई पोलिस आयुक्तांना पत्र लिहून तक्रार केली आहे. दोन्ही मोबाइल नंबरची माहिती देऊन याबाबत तपास करण्याची विनंती शेलार यांनी पोलिसांना केली आहे. २०२० मध्ये अशाच प्रकारे धमकी देणाऱ्याला वांद्रे पोलिसांनी मुंब्रा येथून अटक केली होती. शेलार यांनी अनोळखी नंबरवरून धमकी आल्याची माहिती पत्राद्वारे पोलिस आयुक्तांनी दिली आहे.
आशिष शेलार हे भाजपचे प्रमुख नेते आहे. त्यांना यापूर्वी देखील धमकी मिळाली होती. शेलार आज गृहमंत्री दिलीप वळसे पाटील यांना देखील पत्र लिहून झालेल्या प्रकाराची माहिती देतील आणि कारवाई करण्याची मागणी करतील, असं समजते. आशिष शेलार नेहमी सरकारविरोधात भूमिका मांडतात. सरकारमधला भ्रष्ट्राचार ते काढत असतात. त्यामुळे त्यांना ही धमकी आली असेल. पोलिसांनी ही बाब गांभीर्याने घ्यावी, असे विरोधी पक्षनेते देवेंद्र फडणवीस म्हणाले.
सर्वांनी मर्यादा पाळायला हवी
मुख्यमंत्री उद्धव ठाकरे यांच्या पत्नी रश्मी ठाकरे यांच्याबाबत अपशब्दाचा वापर करण्यात आला. यावरही देवेंद्र फडणवीस यांनी तीव्र नाराजी व्यक्त केली. पक्षांनीच नाही तर महिलांबाबत वक्तव्य करताना सर्वांनीच मर्यादा पाळायला हवी.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
