प्रियकराचे ठरले लग्न; तीन महिन्यांच्या गर्भवतीने दिली बलात्काराची तक्रार| Atrocities on women | Sakal
sakal

बोलून बातमी शोधा

atyachar

प्रियकराचे लग्न; गर्भवतीने दिली बलात्काराची तक्रार

नागपूर : वस्तीत राहणाऱ्या महिलेसोबत दोन वर्षे प्रेमसंबंध ठेवल्यानंतर लग्नाच्या बोहल्यावर चढण्याची तयारी करणे प्रियकराला चांगले भारी पडले. तीन महिन्यांची गर्भवती (Three months pregnant) असलेल्या महिलेने लगेच पोलिस स्टेशन गाठून प्रियकराविरुद्ध बलात्काराचा (Atrocities on women) गुन्हा दाखल केला. शेख शहजाद शेख जफ्फार (२६, रा. सक्करदरा) असे आरोपीचे नाव आहे.

पोलिसांनी दिलेल्या माहितीनुसार, २८ वर्षीय महिलेचे पहिले लग्न झाले होते. दोन वर्षे पतीसह सुखी संसार केल्यानंतर तिचे युवकाशी प्रेमसंबंध जुळले. त्यामुळे ती पतीला सोडून माहेरी आली. माहेरी आल्यानंतर तिचे शेख शहजाद याच्याकडे कामावर असतानात सूत जुळले. अविवाहित असलेल्या शेख शहजादने तिला जाळ्यात ओढून आठ महिन्यांपासून वारंवार शारीरिक संबंध प्रस्थापित (Atrocities on women) केले. त्यातून ती तीन महिन्यांची गर्भवती (Three months pregnant) झाली.

हेही वाचा: ‘बसपन का प्यार’ फेम सहदेव अपघातात जखमी; डोक्याला पडले चार टाके

तिने शहजादकडे वारंवार लग्नाचा तगादा लावला. परंतु, तो टाळाटाळ करीत होता. दरम्यान, शहजादच्या घरी त्याला बघायला स्थळे यायला लागली. त्यामुळे ती आणखी चिडली. तिने शहजादला गर्भवती असल्याचे सांगून लग्नाची गळ घातली. मात्र, त्याने नात्यातील मुलगी बघून लग्न करण्याचा निर्णय घेतला. त्यामुळे महिलेने सक्करदरा पोलिस स्टेशनमध्ये बलात्कार (Atrocities on women) केल्याची तक्रार दिली. पोलिसांनी तक्रारीवरून गुन्हा दाखल केला आहे.

Web Title: Atrocities On Women Three Months Pregnant Crime News Nagpur District

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top