Petition Filed : किरीट सोमय्यांना धक्का; अतुल लोंढे यांनी दाखल केली याचिका | Sakal
sakal

बोलून बातमी शोधा

atul londhe

किरीट सोमय्यांना धक्का; अतुल लोंढे यांनी दाखल केली याचिका

नागपूर : खोटेनाटे आरोप करून महाविकास आघाडीला बदनामी करणारे भाजपचे नेते व माजी खासदार किरीट सोमय्या यांच्या विरोधात काँग्रेसचे मुख्य प्रवक्ते अतुल लोंढे यांनी नागपूरमध्ये सिव्हिल आणि क्रिमिनल याचिका दाखल केली आहे. लोंढे यांनी पत्रकार परिषद घेऊन सोमय्या यांना याचिका दाखल करण्याचा इशारा दिला होता. मात्र, सोमय्या यांचे बेछूट आरोप कायम असल्याने याचिका दाखल करून लोंढे यांनी त्यांना मोठा धक्का दिला आहे.

याचिका दाखल केल्यानंतर लोंढे यांनी पत्रकारांसोबत संवाद साधला. सतत खोट्या आरोपांची राळ उडवून महाविकास आघाडीच्या नेत्यांना बदनाम करण्याचे काम सोमय्या करत आहेत. स्वतःच तपास अधिकारी व स्वतःच न्यायाधीश असल्याच्या आविर्भाव ते विरोधी पक्षांच्या नेत्यांवर सातत्याने खोटे आरोप करून बदनामी करत आहेत. किरीट सोमय्या यांनी खाजगी वृत्तवाहिनीवर बोलताना वसुलीच्या पैशातील ४० टक्के शिवसेना, ४० टक्के राष्ट्रवादी काँग्रेस व २० टक्के काँग्रेसला मिळतो असा धादांत खोटा आरोप करून काँग्रेस पक्षाची बदनामी केली आहे. त्यांना लगाम घालणे आवश्यक होते. याकरिता सोमय्या यांच्या विरोधात आपण याचिका दाखल केल्याचे अतुल लोंढे यांनी सांगितले.

हेही वाचा: शवगृहात १०० मृत महिलांशी शारीरिक संबंध; बनवले व्हिडिओ

अतुल लोंढे यांनी यापूर्वी ड्रग्स तस्कर आणि भाजपच्या नेत्यांचा संबंध असल्याचाही आरोप केला होता. ५० लाख घेऊन गुजरातमध्ये गेलेली इनोव्हा गाडीचा तपास करावा, या गाडीचा पत्ता असलेले रवींद्र कदम यांना ताब्यात घेतल्यास ड्रग्स विक्रेत्यांचे मोठे रॅकेट उघडकीस येऊ शकते असेही त्यांनी सांगितले होते.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top