Maoist Leader Killed : गद्दारांमुळे बसवा राजू मारला गेला; माओवाद्यांनी काढले पत्रक

गडचिरोली : माओवादी कम्युनिस्ट पक्षाचा महासचिव नंबाला केशव राव उर्फ बसवा राजू हा संघटनेतील गद्दारांमुळे मारला गेला व त्याला पुरेशी सुरक्षा पुरविण्यात आम्ही कमी पडलो, अशी कबुली माओवाद्यांचा दंडकारण्य स्पेशल झोनल कमिटीचा प्रवक्ता ‘विकल्प’ याने एका प्रसिद्धीपत्रकाद्वारे दिली आहे..छत्तीसगडमधील अबुझमाडच्या जंगलात २१ मे रोजी पोलिसांशी झालेल्या चकमकीत २८ नक्षली ठार झाले होते. पोलिसांनी २७ ठार झाल्याचे म्हटले. मात्र, ती संख्या २८ असून एका माओवाद्याचे शव दलमच्या सदस्यांनी नेले होते, असे सांगून केंद्र सरकार विकसित भारत निर्माण करण्याच्या नावाखाली कार्पोरेट हिंदू राष्ट्र निर्माण करत असल्याची टीकाही या पत्रकातून माओवादी संघटनने केली आहे..विकल्पने पत्रकात नमूद केल्यानुसार, २१ मे रोजी झालेल्या चकमकीच्या वेळी ३५ माओवादी होते. त्यापैकी २८ माओवादी ठार झालेत. बसवा राजूला कंपनी क्र. ७ चे सुरक्षा कवच होते.या कंपनीत जानेवारीपर्यंत ६० माओवादी होते. परंतु नंतर ही संख्या कमी करून घटनेच्या वेळी केवळ ३५ माओवादी त्याच्या सुरक्षेत तैनात होते. एप्रिल व मे महिन्यात होणाऱ्या पोलिसांच्या अभियानाविषयी आम्हाला पूर्वकल्पना होती. परंतु, सुरक्षित ठिकाणी जाण्यास बसवा राजू तयार नव्हता, असेही विकल्पने म्हटले आहे..चकमकीचा घटनाक्रमविकल्पने पत्रकात चकमकीच्या चार दिवसांतला पूर्ण घटनाक्रमच नमूद केला आहे. तो असा१७ मे : नारायणपूर व कोंडागाव कडून सुरक्षा जवानांची तैनाती सुरू झाली.१८ मे : दंतेवाडा व बिजापूर येथील सुरक्षा जवानांनी जंगलात प्रवेश केला.१९ मे : सकाळी ९ वाजता सुरक्षा जवान नक्षली दलमच्या नजीक पोहचले. त्यामुळे तेथून निघून जात असतानाच पहिली चकमक झाली. नंतर पाच वेळा अशा चकमकी झाल्यात. मात्र कोणतेही नुकसान झाले नाही.२० मे : सुरक्षा जवानांचा घेरा तोडण्याचा प्रयत्न नक्षल्यांकडून वारंवार झाला. पण ते यशस्वी झाले नाहीत. रात्री जवानांनी आपला वेढा आणखी आवळला.२१ मे : सकाळी सुरक्षा जवानांनी ऑपरेशन सुरू केले. या जवानांना खाण्यापिण्याची सर्व व्यवस्था हेलिकॉप्टरद्वारे दिली जात होती. तर दुसराकडे नक्षली ६० तासांपासून उपाशी, तहानलेले होते. अखेर जवानांनी बसवा राजूसह २८ नक्षल्यांना कंठस्नान घातले..घरका भेदी लंका ढाये....बसवा राजूच्या मृत्यू प्रकरणात घरका भेदी लंका ढाये ही म्हण सार्थ ठरली आहे. त्याच्या मृत्यूला त्याच्या सुरक्षेत असलेले लोकच कारणीभूत ठरेल. मागील ६ महिन्यांत छत्तीसगडमधील वेगवेगळ्या दलममधील अनेक माओवाद्यांनी पोलिसांपुढे शरणागती पत्करली. गेल्या दीड महिन्यात बसवा राजूच्या सुरक्षेची मुख्य जबाबदारी असलेल्या ६ वरिष्ठ माओवाद्यांनी शरणागती पत्करली. त्यांनी बसवा राजूच्या ठिकाणांची इत्यंभूत माहिती पोलिसांना दिली. पुढे हे सहाही जण स्वतः माओवादविरोधी अभियानात सहभागी झाल्याने बसवा राजू यास ठार करणे सोपे झाले, असे माओवादी प्रवक्ता ‘विकल्प’ याने पत्रकात म्हटले आहे.राजूला जिवंत पकडले : दावा-प्रतिदावामाओवादी संघटनेचा महासचिव बसवा राजू याला चकमकीनंतर सुरक्षा जवानांनी जिवंत पकडले होते. मात्र, नंतर त्याला गोळ्या घालून ठार केले, असा दावा संघटनेचा प्रवक्ता ‘विकल्प’ने प्रसिद्धीपत्रकातून केला. मात्र हा दावा बस्तर क्षेत्राचे पोलिस महानिरीक्षक पी. सुंदरराज यांनी स्पष्टपणे नाकारला. नक्षली दलम आपली छबी वाचविण्यासाठी ही खोटी कथा सांगत आहे. उलट त्यांच्या या पत्रकातून सुरक्षा जवानांची रणनीती किती अचूक व नियोजनबद्ध होती, हेच दिसून येते, असे सुंदरराज यांनी सांगितले आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Maoist Leader Killed : गद्दारांमुळे बसवा राजू मारला गेला; माओवाद्यांनी काढले पत्रक

Related Stories