नागपूर : राज्याचा सार्वजनिक आरोग्य तसेच वैद्यकीय शिक्षण विभागात मोठ्या प्रमाणात वैद्यकीय अधिकारी, परिचारिका, कर्मचाऱ्यांच्या जागा रिक्त असल्याची माहिती ‘कॅग’च्या लेखापरीक्षण अहवालातून पुढे आली आहे. या दोन्ही विभागात डॉक्टरची संख्या २७ , परीचारकांची संख्या ३५ तर निमवैद्यकीय कर्मचाऱ्यांची संख्या ३१ टक्क्यांनी कमी असल्याचे आढळून आले आहे. कर्मचाऱ्यांच्या उपलब्धतेही प्रादेशिक असमतोल असल्याचे आढळले आहे.
