OBC Reservation Marathi News : चंद्रशेखर बावनकुळेंचा वडेट्टीवार, भुजबळांना सल्ला; काही काळ शांत बसा... | Sakal
sakal

बोलून बातमी शोधा

chandrashekhar bawankule latest Marathi news

चंद्रशेखर बावनकुळेंचा वडेट्टीवार, भुजबळांना सल्ला; काही काळ शांत बसा...

नागपूर : राज्यात अडीच वर्षे महाविकास आघाडीचे सरकार होते. तेव्हा विजय वडेट्टीवार आणि छगन भुजबळ यांनी ओबीसींच्या राजकीय आरक्षणासाठी (OBC Reservation) काहीही केले नाही. आता शिंदे गट व भाजपचे सरकार आले आहे. हे सरकार शंभर टक्के ओबीसींना आरक्षण मिळवून देईल. तेव्हा वडेट्टीवार आणि भुजबळ (Chhagan Bhujbal) यांनी काही काळ शांत बसावे. ओबीसींना राजकीय आरक्षण नक्की मिळेल, असे माजी ऊर्जामंत्री चंद्रशेखर बावनकुळे (Chandrashekhar Bawankule) म्हणाले. (chandrashekhar bawankule latest Marathi news)

नागपुरात शनिवारी (ता. १६) प्रसारमाध्यमांच्या प्रतिनिधींशी बोलताना बावनकुळे यांनी हा सल्ला दिला. ओबीसींच्या राजकीय आरक्षणावर १९ तारखेला सुनावणी आहे. तेव्हा योग्य बाजू मांडणार आहोत. मध्य प्रदेशच्या धर्तीवर अहवाल तयार करण्यात आला आहे. मध्य प्रदेशच्या धर्तीवर राज्यात ओबीसींना आरक्षण मिळेल, असेही चंद्रशेखर बावनकुळे म्हणाले.

हेही वाचा: राष्ट्रपती निवडणूक : आप विरोधकांसोबत; यशवंत सिन्हांना पाठिंबा जाहीर

ओबीसींना आरक्षण मिळवून देण्याची गरज असताना विजय वडेट्टीवार (Vijay Wadettiwar) आणि छगन भुजबळ (Chhagan Bhujbal) हे अडीच वर्षे झोपले होते. सुप्रीम कोर्टाने आदेश दिल्यानंतरही महाविकास आघाडी सरकारने काहीच केले नाही. वडेट्टीवार आणि भुजबळ हे फक्त मोर्चे काढत राहिले. त्यांनी ओबीसी आरक्षणाचा फुटबॅाल केला, असेही चंद्रशेखर बावनकुळे (Chandrashekhar Bawankule) म्हणाले.

महाविकास आघाडी सरकारने पहिला आयोग तयार केला त्यांना पैसे दिले नव्हते. सुप्रीम कोर्टाने लाथाळल्यानंतर मविआने बांठीया आयोग नेमला. बांठीया आयोगाचे ९० टक्के काम महाविकास आघाडी सरकारमध्ये झाले. महाविकास आघाडी सरकारच्या काळातील सर्व निवडणुका ओबीसी आरक्षणाशिवाय झाल्या. आता शिंदे व फडणवीस सरकारवर टीका करण्याचा अधिकार त्यांना नाही, असेही चंद्रशेखर बावनकुळे म्हणाले.

हेही वाचा: चीनने LAC वर बसवला 5G टॉवर; लडाखमधील नागरिकांमध्ये अस्वस्थता

...तर फेसबुक लाईव्ह केले असते

गडचिरोलीत पूर आल्यानंतर मुख्यमंत्री एकनाथ शिंदे आणि उपमुख्यमंत्री देवेंद्र फडणवीस हे तातडीने गडचिरोलीत पोहोचले आणि पाहणी केली. उद्धव ठाकरे यांचे सरकार असते तर गडचिरोली पूर आल्यावर फेसबुक लाईव्ह केले असते, असे चंद्रशेखर बावनकुळे म्हणाले.

विरोधकांना तोंड दाखवायला जागा उरणार नाही

शिंदे गटाच्या बंडानंतर शिवसेनेचे खासदार संजय राऊत बावचळले आहे. म्हणून त्यांना नागपुरात यावे लागले. आता राज्यात शिंदे गट व भाजपचे सरकार आले आहे. हे सरकार येवढे काम करेल की विरोधकांना तोंड दाखवायला जागा उरणार नाही. पेट्रोल- डिझेल स्वस्त, नगराध्यक्ष थेट जनतेतून निवड असे अनेक चांगले निर्णय या सरकारने घेतले आहे, असे चंद्रशेखर बावनकुळे म्हणाले.

Web Title: Chandrashekhar Bawankule Vijay Wadettiwar Chhagan Bhujbal Obc Reservation

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top