नागपूर : मंत्रिमंडळातून डावलल्यानंतर नाराज झालेल्या छगन भुजबळ यांचा मंगळवारी अखेर शपथविधी झाला. धनंजय मुंडे यांच्या राजीनाम्यामुळे रिक्त झालेली जागा राष्ट्रवादी काँग्रेसने भुजबळांच्या रूपाने भरून काढली. त्यामुळे मुख्यमंत्री देवेंद्र फडणवीस यांच्या नेतृत्वातील महायुती सरकार आणखी मजबूत होईल, अशी प्रतिक्रिया महसूलमंत्री व भाजप प्रदेशाध्यक्ष चंद्रशेखर बावनकुळे यांनी माध्यमांशी बोलताना दिली.