वृद्ध दाम्पत्याकडून हिसकावले ५ लाख | Sakal
sakal

बोलून बातमी शोधा

 5 lakh snatched from elderly couple

वृद्ध दाम्पत्याकडून हिसकावले ५ लाख

नागपूर : ‘एमआयडीसी’ पोलिस ठाण्याच्या हद्दीत असलेल्या स्टेट बॅंक ऑफ इंडियाच्या (एसबीआय) शाखेसमोरून वृद्ध दाम्पत्याच्या हातातून ५ लाख रुपये असलेली बॅग दुचाकीवरुन येणाऱ्या दोन चोरट्यांनी हिसकावून नेली. ही घटना गुरुवारी (ता.३) दुपारी सव्वातीन वाजताच्या सुमारास घडली. एका क्षणात वृद्ध दाम्पत्याची आयुष्याची कमाई गेल्याने ते चांगलेच हतबल झाले आहेत.शिवकुमार विश्‍वकर्मा (वय ६३) हे पोलिस विभागातील राज्य राखीव पोलिस दलातून सहाय्यक पोलिस निरीक्षक पाच वर्षांपूर्वी निवृत्त झाले होते.

त्यामुळे सेवानिवृत्तीचे पैसे बॅंकेत जमा होते. आज दुपारी अडीच वाजता ते पैसे काढण्याकरिता पत्नी मीना प्रजापती हिच्यासोबत ‘एमआयडीसी’ परिसरातील ‘एसबीआय’ बँकेत आले. त्यांनी बॅंकेतून ५ लाख रुपयांची रोकड काढून पिशवीत भरली आणि ती पत्नीच्या हातात दिली. शिवप्रसाद त्यांच्या मोपेडला सुरू करण्यासाठी किक मारत असताना मागून दोन युवक बाईकवर आले. त्यांनी मीना यांच्या हातातील पैशाची बॅग हिसकावून पळ काढला. शिवप्रसादने आरडाओरडा केला. मात्र, मदतीला कोणीच नसल्याने आरोपी पळून गेले. दरम्यान याबाबत त्यांनी पोलिसांना घटनेची माहिती दिली. ‘एमआयडीसी’चे पोलिस निरीक्षक उमेश बेसकर आपल्या ताफ्यासह घटनास्थळी पोहोचले. पोलिस उपायुक्त लोहित मतानी यांनीही घटनास्थळाचा आढावा घेतला. यानंतर पोलिसांनी दरोड्याचा गुन्हा दाखल करून तपास सुरू केला आहे. पोलिस हिंगणा मार्गावरील सीसीटीव्ही फुटेज वरून आरोपींचा शोध घेत आहे. आरोपी हे बँकेमधूनच वृद्ध दाम्पत्याच्या मागावर असल्याचा पोलिसांना संशय आहे. त्यामुळे बँकेतील सीसीटिव्ही फुटेजही पोलिसांनी ताब्यात घेतले आहे.

Web Title: Crime 5 Lakh Snatched From Elderly Couple Midc Sbi Branch Nagpur

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top