लग्न करण्याचे आमिष दाखवून अल्पवयीन मुलीवर अत्याचार | Sakal
sakal

बोलून बातमी शोधा

अत्याचार
लग्न करण्याचे आमिष दाखवून अल्पवयीन मुलीवर अत्याचार

लग्न करण्याचे आमिष दाखवून अल्पवयीन मुलीवर अत्याचार

यवतमाळ : अल्पवयीन मुलीला लग्न करण्याचे आमिष दाखवून तिच्यावर अत्याचार करण्यात आला. ही घटना शनिवारी दुपारी बारा वाजता दरम्यान पाचधारा जंगलात घडली. या प्रकरणी अवधूतवाडी पोलिस ठाण्यात गुन्हा नोंदविण्यात आला. पीडित ही १४ वर्षाची असून, इयत्ता आठवीत शिक्षण घेत आहे. शनिवारी ती शाळेत गेली. मात्र, घरी परत आली नाही.

त्यामुळे तिचा शोध घेतला. दुपारी पीडित मुलगी मावशीच्या घरी आली. तिला उशिरा येण्याचे कारण विचारले असता घडलेला प्रकार सांगितला. युवकाने तिला दुचाकीवर पाचधारा येथील जंगलात पळवून नेले. तिथे लग्न करण्याचे आमिष दाखवून अत्याचार केला. या प्रकरणी पीडितेच्या आईने पोलिस ठाण्यात तक्रार दिली. त्यावरून इम्रान शेख (वय २२, रा. भोसा) याच्याविरुद्घ गुन्हा नोंदविला. पुढील तपास ठाणेदार मनोज केदारे यांच्या मार्गदर्शनात सुरू आहे.

Web Title: Crime Rape Of Minor Girl Showing Lure Of Marriage Yavatmal

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top