नागपूर : तीन वर्षांच्या मुलीचा आजारामुळे वाढत असलेला खर्च आणि त्यातून निर्माण झालेला कर्जाचा डोंगर अस्वस्थ करीत होता. त्यामुळे हताश झालेल्या औषध विक्रेत्याने अंबाझरी तलावात उडी घेत आयुष्य संपविण्याचा निर्णय घेतला.
मात्र वेळीच दोन पोलिसांनी धाडसी करीत तलावात उडी घेऊन इतर नागरिकांच्या मदतीने त्यांचा जीव वाचवला. जीवनदान देणाऱ्या या दोन पोलिसांचे विभागाकडून कौतुक होत आहे. अविनाश कोसारे (३७) असे अंबाझरी तलावात उडी घेणाऱ्याचे नाव आहे.
अविनाश मानेवाडा भागातील अमरनगर येथे पत्नी आणि तीन वर्षांच्या मुलीसह राहतात. एकुलती एक मुलगी जन्मापासूनच आजारी आहे. तिच्या उपचारावर बराच खर्च झाला. त्यांनी कर्ज घेऊन उपचार केले. कर्जाचा डोंगर वाढतच गेला. परंतु, मुलगी आजारमुक्त झाली नाही.
कर्जाच्या ओझ्याने अविनाश सतत तणावात होते. मनात नकारात्मक विचार सुरू झाले. आता जगून उपयोग तरी काय, असा विचार करून ते रविवारी घरून निघाले. रविवारी औषधांचे दुकान बंद असते. काम आहे असे पत्नीला सांगून ते दुपारच्या सुमारास घराबाहेर पडले.
यानंतर त्यांनी तलावात उडी घेतली पण पोलिसांनीअविनाश यांना बाहेर काढल्यानंतर वरिष्ठ पोलिस निरीक्षक विनायक गोल्हे यांनी अविनाश यांची आस्थेने विचारपूस केली आणि समुपदेशन केले. अविनाश यांची पत्नीही ठाण्यात पोहोचली. या घटनेने पती-पत्नीचे डोळे पाणावले. पोलिसांच्या धाडसाचे पोलिस आयुक्त डॉ. रवींद्र कुमार सिंगल, सहपोलिस आयुक्त अश्वती दोरजे, उपायुक्त राहुल मदने आणि वरिष्ठ पोलिस निरीक्षक विनायक गोल्हे यांनी कौतुक केले.
अविनाश दुपारी साडे तीन वाजताच्या सुमारास अंबाझरी तलाव परिसरात गेले. त्यांनी बराच वेळ विचार करून परिसराच्या चकराही मारल्या. जीवन संपविण्याच्या विचारावर ठाम झाल्यावर त्यांनी तलावात उडी घेतली.
याची माहिती मिळताच क्षणाचाही विलंब न करता अंबाझरी पोलिस ठाण्यातील बिट मार्शल प्रशांत गायधने आणि यशवंत धावडे पोहोचले. त्यांनी व परिसरातील लोकांनी तलावात उडी घेतली. अविनाशला पाण्याबाहेर काढले. काही वेळानंतर ते शुद्धीवर आले. त्यांना पोलिस ठाण्यात आणले.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.