नागपूर : केंद्र सरकारच्या केंद्रीय मार्ग निधी अंतर्गत नागपूर शहरासाठी सहा वर्षांत केंद्रीय मंत्री नितीन गडकरी यांनी १,८२४ कोटींची विविध रस्त्यांची २२ कामे मंजूर केली आहेत. एवढ्या मोठ्या प्रमाणात रस्त्यांसाठी निधी यापूर्वी कधीही नागपूरला प्राप्त झाला नाही. २२ कामांपैकी ४ रस्त्यांची कामे पूर्ण झाली असून ११ कामे सुरू आहेत. पाच नवीन कामे निविदास्तरावर आहेत, तर दोन नवीन कामे अंदाजपत्रकीय स्तरावर आहे.
रेल्वे स्टेशनजवळ जयस्तंभ चौक ते मानस चौक रस्त्याचे सिमेंट काँक्रीट रोड व चौकाची सुधारणा करणे २३४ कोटींचे हे काम असून ३.६३ किमी लांबी हा रस्त्याची आहे. महामेट्रोमार्फत हे काम केले जात आहे. फुटाळा तलाव येथे दर्शक दीर्घेसह बोगद्याचे बांधकाम २.६५ किमी लांबीचे ११२.८९ कोटींचे काम महामेट्रोकडे देण्यात आले आहे. गांधीपुतळा, केळीबाग रस्ता, तुळशीबाग मार्गे रेशीमबाग चौक रस्त्याचे रुंदीकरणासह बांधकाम ५८.६९ कोटी रुपये. मेयो हॉस्पिटल ते सुनील हॉटेल सतरंजीपुरा रस्त्याचे ४.३० किमी लांबीचे रुंदीकरणासह बांधकाम ७९ कोटी रुपये खर्चाचे असून या कामाच्या निविदा अंतिम झाल्या आहेत.
नागपूर दिल्ली मार्गावर जरीपटका येथे रेल्वे उड्डाणपुलाचे बांधकाम ७८.९२ कोटीचे काम प्रगतिपथावर आहे. पाचपावली उड्डाणपूल ते पहलवानशाह दर्गा उड्डाणपुलाचे भूमिपूजन नुकतेच झाले असून १४६ कोटींचे हे काम महारेलला हस्तांतरित करण्यात आले आहे. शांतीनगर कावरापेठ रेल्वे क्रॉसिंगवर उड्डाणपुलाचे बांधकाम १२६ कोटींचे असून या कामाच्या निविदा निश्चित करण्यात आल्या आहेत.
कळमना ते राजीव गांधीनगर रस्त्यावर रेल्वे उड्डाणपुलाचे बांधकाम १८० कोटींचे असून येत्या ऑक्टोबरपर्यंत हे काम सुरू होण्याची शक्यता आहे. डिप्टी सिग्नल ते कावरापेठ ३७ कोटींचा अंडरब्रिज बांधकाम प्रगतिपथावर आहे. पिवळी नदीवर मोठ्या पुलाचे बांधकाम पूर्ण झाले आहे. २४.९६ कोटी रुपये या कामासाठी खर्च झाला आहे.
सतरंजीपुरा पारडी ते कळमना येथे सिमेंट रस्त्याचे १०.५० कोटींचे बांधकाम पूर्ण झाले आहे. या रस्त्यावर विद्युतीकरणाचे काम मनपातर्फे करण्यात येणार आहे. भंडारा रोड हरिहर मंदिर ते आर. के. फ्लोअर मिल ते शांतीनगरपर्यंतच्या रस्त्याचे ५३ कोटींचे बांधकाम प्रगतिपथावर आहे. झिंगाबाई टाकळी गोधनी ते बोकारा ते कोराडी या ३५.७४ कोटींच्या सिमेंट रस्त्याचे बांधकाम पूर्ण होण्याच्या मार्गावर असून ५.६० किमीचा हा रस्ता आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
