नागपूर - महानगरपालिका निवडणूक भाजप आणि शिवसेना (शिंदे गट) युतीत लढविण्याची घोषणा करण्यात आली आहे. या निर्णयामुळे भाजपच्या कार्यकर्त्यांमध्ये नाराजीचा सूर उमटू लागला आहे. .शिवसेना (शिंदे) पक्षाने युतीचे स्वागत केले आहे. महानगरपालिकेत २२ ते २५ जागांची मागणी करण्याचे संकेत दिले आहेत. भाजपकडून अधिकृत बैठकीचे आमंत्रण आल्यानंतर जागा वाटपासह अन्य चर्चा होईल, असे शिवसेनेच्या नेत्यांनी स्पष्ट केले आहे.शिवसेनेच्या नेत्यांनी सांगितले की, नागपूरच्या अनेक भागांमध्ये पक्षाची मजबूत संघटनात्मक बांधणी आहे. कार्यकर्त्यांची मोठी फळी सक्रिय आहे. त्यामुळे सन्मानजनक संख्येने जागा मिळायला हव्यात, ही आमची ठाम भूमिका आहे. चर्चा आणि समन्वयातून तोडगा काढण्यावर आमचा भर राहील, असेही त्यांनी नमूद केले..जागा वाटपावर अद्याप तोडगा निघालेला नसल्याने आम्ही अधिकाधिक जागा मिळवण्यासाठी प्रयत्नशील राहू. तसेच स्थानिक पातळीवर परिस्थितीचा अभ्यास करून जागा वाटपाबाबत निर्णय घ्यावेत, अशा सूचना वरिष्ठ नेत्यांनी दिल्याची माहिती आहे. युतीत जागा वाटपात आपल्याला झुकते माप मिळेल, अशी अपेक्षा शिवसेनेकडून व्यक्त केली जात आहे.येत्या काही दिवसांत होणाऱ्या बैठका आणि चर्चांवर नागपूरच्या राजकारणाचे भवितव्य अवलंबून राहणार आहे. भाजपाकडून एक अंकी आकड्यात जागा दिल्या जाण्याची शक्यता आहे. त्यामुळे शिंदेसेनेसमोर मोठी अडचण होणार असल्याचे बोलले जात आहे..शिवसेना आणि भाजपची युती झालेली आहे. जागा वाटप झालेले नसून त्याबाबत लवकरच बैठक होईल. त्यात जागा वाटपावर चर्चा होणार आहे. आम्ही २२ ते २५ जागांची मागणी करणार आहोत.- सूरज गोजे, जिल्हाप्रमुख शिवसेना.सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
