नागपूर - अचानक प्रकृती खालाविल्याने मेंदूत रक्तस्राव होऊन मेंदूपेशी मृत (ब्रेन डेड) ठरलेल्या वृद्धाच्या अवयवदानातून दोन पुरुषांना जीवनदान मिळाले. सोबतच बुब्बुळदानातून (नेत्रगोल) भविष्यात दोन दृष्टिबाधितांना दृष्टी मिळणार आहे..पारशिवनी तालुक्यातील आमडी येथील विष्णू वाघमारे (वय ६१) असे मेंदूपेशी मृत वृद्धाचे नाव आहे. ते ट्रकचालक होते. त्यांच्या कुटुंबात पत्नी सविता, मुलगा पंकज आहे. ३१ ऑगस्टला विष्णू यांची अचानक प्रकृती खालाविल्याने त्यांना तातडीने अखिल भारतीय आयुर्विज्ञान संस्थान (एम्स) येथे दाखल केले. त्यांच्यावर पाच दिवस उपचार सुरू होते..उपचारादरम्यान त्यांना मेंदूमध्ये रक्तस्राव झाल्याचे आढळून आले. त्यानंतरही प्राण वाचविण्यासाठी एम्सच्या डॉक्टरांनी शर्थीचे प्रयत्न केले. परंतु, त्यांची प्रकृती न्यूरोलॉजिकलदृष्ट्या प्रचंड खालाविली आणि त्यामुळे डॉ. मनीष श्रीगिरीवार यांच्या नेतृत्वातील ब्रेन डेड समितीने मेंदूपेशी मृत घोषित केले. एम्सचे समन्वयक गजानन गित्ते व पूजा सुलानिया यांनी विष्णू यांच्या मृत्यूची माहिती नातेवाइकांना दिली. सोबतच त्यांचे अवयवदानासाठी समुपदेशन केले..अवयवदानाचे महत्त्व लक्षात घेता त्यांच्या पत्नी आणि मुलाने विष्णू यांच्या अवयवदानास संमती दर्शविली. त्यानुसार विभागीय प्रत्यारोपण समितीला माहिती देण्यात आली. समितीने अवयवांचे वाटप केले. विष्णू यांची एक किडनी एम्समध्ये उपचार घेणाऱ्या ४६ वर्षीय पुरुषावर, दुसरी किडनी खासगी रुग्णालयातील ४६ वर्षीय पुरुषावर यशस्वीरीत्या प्रत्यारोपित करण्यात आली..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
