नागपूर - महालात एका समुदायातील युवकांनी धुडगुस घालून चांगलाच राडा केला. या राड्यात त्यांनी परिसरातील वाहनांचीही तोडफोड केली. या तोडफोडीत केअर टेकर असलेल्या कीर्ती क्षीरसागर यांची मोपेडही युवकांच्या निशाण्यावर आली. युवकांनी त्यांच्या मोपेडची तोडफोड केली.
केअर टेकर म्हणून मोपेडच त्याचा सहारा असल्याने तिची तोडफोड झाल्याने कुटुंबाचा उदरनिर्वाह कसा करणार? या प्रश्नाने त्यांच्या अश्रुंचा बांध फुटला.
कीर्ती क्षीरसागर यांच्या पतीचे आठ वर्षापूर्वी निधन झाले. त्या स्वतः कॅन्सरच्या तिसऱ्या स्टेजवर असल्याने २५ किमो झालेत. त्यानंतरही त्यांनी कुटुंबाच्या उदरनिर्वाह करण्यासाठी केअर टेकर म्हणून काम करण्यास सुरुवात केली. महालमधील हरडे या कुटुंबाकडे त्या दररोज केअर टेकर म्हणून काम करतात.
सोमवारी (ता.१७) सायंकाळच्या सुमारास त्या हरडे यांच्याकडे आल्या होत्या. त्या परत जात असताना, अचानक परिसरात काही युवकांनी राडा घालण्यास सुरुवात केली. यावेळी कारमध्ये हरडे यांच्यासह चार जण बसले होते. काही युवक धावून गल्ली येत असल्याचे दिसताच, कीर्ती या दारामागे लपल्या.
त्यांच्या डोळ्यादेखत युवकांनी त्यांच्या मोपेडची तोडफोड केली. त्यानंतर ते कारच्या दिशेने वळले. यावेळी त्यांनी कारला आग लावण्याच्या प्रयत्न केला आणि पळून गेले. कसाबसा जीव वाचवून त्यातील चौघेही घराच्या दिशेने धावून परत आले. मात्र, या प्रकाराने क्षीरसागर कुटुंबाचा आधार असलेली मोपेडची तोडफोड झाल्याने ती कुठल्याही कामात येणार नव्हती.
एकीकडे मोपेड दुरुस्त करायला पैसे नाहीत, आणि उदरनिर्वाह करायचा कसा? या प्रश्नांनी त्याचे मन सुन्न झाले होते. त्यामुळे पोलिसांना तक्रार देण्याच्या उद्देशाने त्या परत आल्या होत्या. माझी मोपेड परत करा असा आक्रोश त्या करीत होत्या. हे सांगताना त्यांच्या आसवांचा बांध फुटला होता. त्याचे अश्रु बघून अनेकांचे मन हेलावले होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.