नागपूर : परीक्षेचा हा काळ विद्यार्थ्यांसाठी अतिशय महत्त्वाचा असतो. त्यांच्या भविष्यासाठी हे महत्त्वाचे दिवस असल्यामुळे परीक्षेच्या काळात मशिदीवरचे लाऊड स्पिकर बंद ठेवण्यात यावे, अशी मागणी नागपूर जिल्ह्याचे युवा सेनाप्रमुख विक्रम राठोड यांनी केली आहे. त्यासाठी त्यांनी गृहमंत्री अनिल देशमुख आणि जिल्हाधिकाऱ्यांना एक पत्र लिहिलंय. त्यात ही मागणी करण्यात आली आहे.
परीक्षेच्या काळात कुटुंबांमध्ये टी.व्ही. आणि रेडिओही बंद ठेवतात. असं असताना दिवसातून पाच वेळा मशिदीवरील भोंग्यातून नमाज पठण केलं जातं. त्या आवाजाने विद्यार्थ्यांना त्रास होण्याची शक्‍यता आहे. त्यामुळे या काळात हे लाऊड स्पिकर्स बंद ठेवण्यात यावे अशी विनंतीही त्यांनी केली आहे.
वाद होण्याची शक्‍यता
शिवसेनेच्या युवा नेत्याच्या या मागणीमुळे वाद होण्याची शक्‍यता आहे. आत्तापर्यंत शिवसेना नेत्यांनी अशी भूमिका घेणं यात काही वेगळं समजलं जात नव्हतं. मात्र राज्यात महाआघाडीचं सरकार आल्यामुळे शिवसेनेने अशी भूमिका घेणे हा चर्चेचा विषय आहे. शिवसेनेच्या शिष्टमंडळाने नागपूरचे जिल्हाधिकारी रविंद्र ठाकरे यांना या मागणीचं निवेदन दिले आहे.
शिवसेनेच्या अधिकृृत भूमिकेकडे लक्ष
विरोधी पक्षात असताना शिवसेनेने या आधी अनेकदा अशा प्रकारची भूमिका मांडली होती. राज्यात त्यावर वादही झाले होते. मात्र आता असे वादाचे विषय टाळण्याचा निर्णय शिवसेनेने घेतला आहे. शिवसेनेनं कॉंग्रेस आणि राष्ट्रवादीसोबत मिळून सरकार तयार केल्याने शिवसेनेची आक्रमक भूमिका मवाळ झालीय असं बोललं जातं. त्यामुळे शिवसेना यावर काय अधिकृत भूमिका घेते याकडे सगळ्यांचं लक्ष लागले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.