भिवापूर : गोंडबोरी फाट्याजवळ शनिवारी (ता.२६) झालेल्या भीषण अपघातास महसूल विभागाचे वाहन कारणीभूत नसल्याचे तहसीलदार कल्याणकुमार डहाट यांनी स्पष्ट केले. मंगळवारी (ता.२९) तहसील कार्यालयात पत्रकारांशी संवाद साधतांना त्यांनी हे सांगितले..साठगाव येथील तिघांचा या अपघातात दुर्दैवी मृत्यू झाला होता, त्यात एका पाच वर्षांच्या चिमुरड्याचाही समावेश आहे. उमरेडकडे भरधाव जाणाऱ्या टिप्परने त्यांच्या दुचाकीला जोरदार धडक दिल्याने हा अपघात झाला..या अपघातानंतर गावकऱ्यांनी महसूल विभागाच्या वाहनाने वाळूच्या अवैध वाहतूक करणाऱ्या वाहनांचा पाठलाग केल्यामुळे टिप्पर चालकांनी वाहने भरधाव पळविली व त्यामुळे हा अपघात झाला, असा आरोप केला होता. परंतु तहसीलदार डहाट यांनी सांगितले की, गौण खनिजांच्या अवैध वाहतुकीवर कारवाई करण्यासाठी तहसील कार्यालयामार्फत फिरते पथक तयार करण्यात आले आहे. .हे पथक वाहनांची तपासणी करत असते, मात्र अपघाताच्या दिवशी पथकाचे वाहन गोंडबोरी फाटा या अपघातस्थळी गेलेच नाही. त्यामुळे या दुर्घटनेस महसूल विभागाचे वाहन जबाबदार असल्याचे सांगणे चुकीचे असून, सत्य परिस्थिती वेगळी असल्याचे त्यांनी स्पष्ट केले..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
