Mohan Bhagwat: लोकांची परिस्थिती लक्षात घेऊन धोरणे बनवली नाहीत, तर... ; Gen Z आंदोलनावर काय म्हणाले मोहन भागवत?

नागपूर येथील रेशिमबाग मैदानात राष्ट्रीय स्वयंसेवक संघाचा विजयादशमी कार्यक्रम पार पडला. यावेळी सरसंघचालक मोहन भागवत यांनी शेजारील देशांमध्ये पसरलेल्या अशांततेबाबत चिंता व्यक्त केली. आपल्या भाषणात संघ प्रमुखांनी अमेरिकेच्या शुल्कांवरही चर्चा केली आणि देशाला आता स्वावलंबी होण्याची गरज असल्याचे सांगितले. त्यांनी शेजारील देशांमधील राजकीय परिस्थितीचा उल्लेख करताना सांगितले की ही भारतासाठी चिंतेची बाब आहे, कारण भारताचे या देशांशी जवळचे संबंध आहेत.