Nagpur Crime : पैशाच्या वादातून ग्रामपंचायत सदस्याचा निर्घृण खून; सरपंचासह मुख्य आरोपी अटकेत; पिपळा (डाक बंगला) येथील थरारक घटना

खापरखेडा : पिपळा (डांब) येथील ग्रामपंचायत सदस्याची धारदार चाकूने सपासप वार करून निर्घृण हत्या करण्यात आली. सोमवारी मध्यरात्रीनंतर दोन वाजताच्या सुमारास पिपळा (डाक बंगला) येथील वलनी टी पॉइंटजवळ ही थरारक घटना घडली. .याप्रकरणी खापरखेडा पोलिसांनी सरपंचासह मुख्य आरोपीला अटक केली आहे. पैशांचा वाद, व्यावसायिक स्पर्धा आणि राजकीय वैमनस्यातून घटना घडल्याची परिसरात चर्चा आहे. अतुल तुळशीराम पाटील (वय ३२, पिपळा डांक बंगला) असे मृताचे नाव आहे. अपक्ष निवडणूक लढवून ते ग्रामपंचायत सदस्यपदी निवडून आले होते..हिमांशू दिलीप कुंभलकर (वय१९, पिपळा डाक बंगला) आणि विष्णू कोकड्डे (रा. पिपळा डांब) अशी आरोपींची नावे आहेत. विष्णू कोकड्डे हा पिपळा डांबचा सरपंच असण्यासोबतच जिल्हा परिषदेच्या माजी अध्यक्ष मुक्ता कोकड्डे यांचा पती आहे. मृतक अतुल आणि आरोपी हिमांशू अवैध व्यवसायांत सक्रिय असल्याची चर्चा परिसरात आहे. .अतुल पोलिसांना आपल्या कामा संदर्भातील माहिती देत असल्याचा संशय हिमांशूला होता. यावरून त्यांच्यात वाद निर्माण झाला होता. पोलिसांनी घटनास्थळावरून खुनासाठी वापरलेला चाकू, मृताची दुचाकी आणि सावनेर येथून आरोपीची दुचाकी जप्त केली. दोन्ही आरोपींना आज न्यायालयात हजर करण्यात आले. न्यायालयाने हिमांशूला चार दिवस तर विष्णूला दोन दिवस पोलिस कोठडी सुनावली. .राजकीय वातावरण तापले मृत अतुल हा भाजप नेते किशोर चौधरी यांचा निकटचा कार्यकर्ता होता. या घटनेनंतर पिपळा येथे वातावरण तणावपूर्ण झाले आहे. चौधरी यांनी समर्थकांसह निदर्शने करीत प्रकरण फास्ट ट्रॅक कोर्टात चालवून आरोपींना फाशीच्या शिक्षेची मागणी केली. आमदार डॉ. आशिष देशमुख, मनोहर कुंभारे, किशोर चौधरी, बबलू ठाकूर , विलास महल्ले यांच्यासह अनेक भाजप नेत्यांची उपस्थिती होती. दरम्यान गावात पोलिसांचे शीघ्र कृती दल तैनात करण्यात आले आहे..असा केला ‘गेम’सोमवारी रात्री हिमांशूने अतुलला फोन करून भेटीसाठी बोलावले. अतुल मित्रासोबत वलनीकडे जाणाऱ्या रस्त्याच्या टी पॉइंटवर गेला. तिथे आरोपी हिमांशू वाट पाहत होता. त्यानंतर दोघेच अतुलच्या दुचाकीवरून पिपळा (डाक बंगला) येथील कार वॉशिंग सेंटरकडे गेले. तिथेच हिमांशूने ‘पोलिसांची मूकबिरी’ केल्याचा आरोप करीत अतुलवर धारदार चाकूने सपासप वार केले. गळा, छाती व मांडीवर सहा -सात वार केले. त्यानंतर दगडाने डोक्यावर मारून त्याचा खून केला. एवढेच नाही तर आरोपीसुद्धा किरकोळ जखमी झाला..Latur Crime : किरकोळ उधारीवरून लातुरात एकाचा खून; दोघांना २३ जूनपर्यंत पोलिस कोठडी.आरोपी रुग्णालयात दाखलखून केल्यानंतर आरोपी हिमांशू सावनेर येथील ग्रामीण रुग्णालयात पोहोचला आणि उपचारासाठी दाखल झाला. तिथे डॉक्टरांना घटनेची माहिती दिली. डॉक्टरांनी पोलिसांना कळविले. पोलिसांनी आरोपीला ताब्यात घेतले. सकाळी सहा वाजताच्या सुमारास पोलिसांनी सरपंच विष्णू कोकड्डे यालाही राहत्या घरून अटक केली. मात्र, त्याला अटक का करण्यात आली, ते स्पष्ट होऊ शकले नाही..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories