नागपूर - सोलापूरचे जिल्हाधिकारी असलेले कुमार आशीर्वाद यांची नागपूरच्या जिल्हाधिकारी पदावर बदली करण्यात आली आहे. आतापर्यंत डॉ. विपीन इटनकर यांच्याकडे या पदाचा अतिरिक्त पदभार होता. .डॉ. विपीन इटनकर नागपूर महापालिका आयुक्त पदावर नियुक्त केल्याने हे पद रिक्त होते. नागपूरच्या जिल्हाधिकारी पदासाठी चंद्रपूर, गडचिरोली, कोल्हापूरचे जिल्हाधिकारी व नागपूर जिल्हा परिषदेचे मुख्य कार्यकारी अधिकारी यांच्या नावांची चर्चा होती. त्यात कुमार आशीर्वाद यांचीही भर पडली. कुमार आशीर्वाद यांनी सर्वांना मागे टाकले. कोलंबिया येथील निवडणुकीसाठी भारतातून पाच जणांची निरीक्षक म्हणून नियुक्ती करण्यात आली होती. यात कुमार आशीर्वाद यांचाही समावेश करण्यात आला होता..कठोर आणि संवेदनशील निर्णय घेणारे अधिकारीप्रशासनातील कठोर आणि संवेदनशील निर्णयांसाठी कुमार आशीर्वाद ओळखले जातात. झारखंडमधील गोपालगंज शहरात त्यांचे बालपण गेले. कुमार आशीर्वाद हे २०१६ बॅचचे महाराष्ट्र कॅडरचे सनदी अधिकारी आहेत. त्यांनी आयआयटी खरगपूर येथून सिव्हिल इंजिनिअरिंगमध्ये बी.टेक. केले. यापूर्वी त्यांनी गडचिरोली जिल्हा परिषदेचे मुख्य कार्यकारी अधिकारी म्हणून काम पाहिले आहे..महापालिकेचे नवे अतिरिक्त आयुक्त अंकितनागपूर - महानगरपालिकेच्या अतिरिक्त आयुक्तपदी अंकित यांची नियुक्ती करण्यात आली आहे. अंकित हे २०१९ च्या तुकडीचे भारतीय प्रशासकीय सेवेतील अधिकारी आहेत. ते सध्या छत्रपती संभाजीनगर जिल्हापरिषदेत मुख्य कार्यकारी अधिकारी म्हणून कार्यरत आहेत. ते वसुमना पंत यांच्याकडून पदाची सूत्रे स्वीकारतील. तर, पंत यांची चंद्रपूरच्या जिल्हाधिकारीपदी नियुक्ती करण्यात आली आहे. विद्यमान जिल्हाधिकारी विनय गौडा जी. सी यांच्या जागेवर ही नियुक्ती करण्यात आली आहे. नागपुरातील एक वर्षाहून अधिक कार्यकाळात पंत यांनी अनेक नागरी सेवांमध्ये सुधारणा केल्याचे श्रेय त्यांना दिले जाते..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
