Ladki Bahin Yojana : १६ हजार लाडक्या बहिणींचा पत्ता कट, चारचाकी वाहन ठरले अडचण; पडताळणी न करताच निर्णय

चेतन बेलेनागपूर : कुटुंबात चार चाकी असलेल्या महिलांची चौकशी करून त्यांची नावे कमी करण्यासाठी शासनाने चार महिन्यांपूर्वी सर्वेक्षण करण्याचे ठरवले. तसे आदेशही महिला व बालकल्याण विभागाला दिले. मात्र सर्वेक्षण न करताच जिल्ह्यातील १६ हजार ८६८ लाडक्या बहिणींचा योजनेतून पत्ता कट करण्यात आला आहे. .विधानसभा निवडणुकीपूर्वी ‘मुख्यमंत्री माझी लाडकी बहीण’ योजनेमुळे राज्यात महायुती सरकार सत्तेत आले. आता मात्र लाडक्या बहिणींना खुश ठेवताना शासनाची तारांबळ होत आहे. सरकारने विविध कारणांनी महिलांची नावे कमी करण्याचा सपाटाच सुरू केला आहे. सुरुवातीला निराधार योजनेचा लाभ घेणाऱ्या महिलांची या योजनेतून नावे कमी करण्यात आली..त्यानंतर कुटुंबात शासकीय कर्मचारी असलेल्यांची नावे कमी केली. ज्या कुटुंबाकडे चारचाकी वाहन आहे अशा बहिणींना योजनेतून नावे कमी करण्यासाठी आवाहन सरकारने केले. मात्र याला प्रतिसाद मिळाला नसल्याने शासनाने आरटीओकडून घरी चारचाकी वाहने असणाऱ्यांची यादी मागवून घेत सर्वेक्षणाअंती नावे कमी करण्याचे ठरविले. यासाठी सर्वेक्षणाच्या सूचनाही देण्यात आल्या. मात्र सर्वेक्षण न करताच जिल्ह्यातील १६ हजार ८६८ लाडक्या बहिणींची नावे योजना अंमलबजावणी कार्यालयाकडूनच वगळण्यात आल्याचे सांगण्यात येते. .एकट्या नागपुरात पावणेअकरा हजार नावे कमी नावे कपात केलेल्या तालुक्यात शहरासह नागपूर ग्रामीण भागात सर्वाधित पावणे ११ हजार नावे कमी केली आहे. शहरात भाड्याने टँक्सी चालवून उदरनिर्वाह करणाऱ्यांची संख्या हजारात आहे. उत्पन्नाचे एकमेव साधन असणाऱ्या अशा हजारो कुटुंबांना याचा फटका बसला आहे. .आरटीओकडून प्राप्त यादीचे सर्वेक्षण करण्याच्या सूचना होत्या. त्यानुसार सर्वेक्षणाच्या कामाला गतीही दिली. मात्र माहितीच न मिळाल्याने सर्वेक्षण पुर्ण होऊ शकले नाही. मात्र, या महिलांची नावे वरूनच कमी करण्यात आली. हा आकडा जिल्ह्यात १६ हजारांवर आहे. -रणजित कुऱ्हे, जिल्हा महिला व बालविकास अधिकारी नागपूर.सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.