नागपुरात पावसाचा शिडकावा; ढगाळ वातावरण, मेघगर्जना | Sakal
sakal

बोलून बातमी शोधा

Light rain in Nagpur

नागपुरात पावसाचा शिडकावा; ढगाळ वातावरण, मेघगर्जना

नागपूर : विदर्भात उन्हाची तीव्र लाट असताना अवकाळी पावसाचेही सावट निर्माण झाले होते. प्रादेशिक हवामान विभागाने नागपूरसह विदर्भातील अनेक जिल्ह्यांमध्ये मेघगर्जनेसह वादळी पावसाची शक्यता वर्तविली होती. मात्र, मंगळवारी सकाळपासून ढगाळ वातावरण होते. सायंकाळच्या सुमारास हलके वारेही वाहत होते. अशात रात्री नऊ वाजताच्या सुमारास पावसाच्या रिमझिम सरी पडल्या. यामुळे काही प्रमाणात का होईना नागरिकांना उन्हापासून दिलासा मिळाला. (Light rain in Nagpur)

रात्री उशिरा मानेवाडा परिसरात हलका पाऊस पडल्याची माहिती आहे. तसेच बेसा परिसरात काही थेंब पडल्याचे समजते. मात्र, विजेचा कडकडाट सुरूच होता. मोठ्या प्रमाणात पाऊस (Rain) पडतो की काय असे वाटत होते. मात्र, तसे झाले नाही. सकाळपासून असलेले ढगाळ वातावरण सायंकाळपर्यंत कायम होते. तसेच वारेही वाहत होते. यामुळे चांगला पाऊस येईल असे वाटत होते. शहरातील काही परिसर सोडला तर इतरत्र पाऊस पडला नाही.

हेही वाचा: दुचाकीवरील नियंत्रण सुटले अन् आजोबा, नातवाला चिरडले; सून गंभीर जखमी

‘वेस्टर्न डिस्टर्बन्स’च्या स्थितीमुळे दक्षिण भारतातील तामिळनाडूसह अनेक राज्यांमध्ये जोरदार पावसाचा इशारा देण्यात आला होता. विदर्भातही कमी दाबाच्या पट्ट्याचा प्रभाव जाणवणार होता. बहुतांश जिल्ह्यांमध्ये विजांचा कडकडाट व मेघगर्जनेसह वादळी पावसाची शक्यता वर्तवण्यात आली होती. तसा इशारा हवामान विभागाच्या अधिकाऱ्यांनी दिला होता.

किंचित का होईना वातावरणात बदल

एप्रिल महिन्यातच ४६ अंश सेल्सिअसवर पोहोचलेल्या विदर्भातील तापमानाने अनेक शहरांमध्ये अघोषित संचारबंदीचे स्वरूप आणले होते. भरदिवसा घराबाहेर पडणे कठीण झाले होते. रस्ते निर्मनुष्य झाले होते. यानंतर किंचित का होईना वातावरणात बदल झाला आहे. त्यामुळे तापमानात थोडी घट होत आहे. शहरातील तापमान मंगळवारी ४३.५ अंश सेल्सिअस होते. सहा मे पर्यंत ढगाळी वातावरणामुळे तापमानात आणखी घट होण्याची शक्यता आहे. त्यानंतर पुन्हा तापमान वाढण्याचे संकेत हवामान विभागाने दिले आहेत.

Web Title: Light Rain In Nagpur Cloudy Weather Thunder

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :Nagpurrainsummer
go to top