Devotees Upset Over Delayed Renovation as Mahashivratri Approaches
Sakal
गडचिरोली: विदर्भाची काशी म्हणून ओळखल्या जाणाऱ्या चामोर्शी तालुक्यातील मार्कंडादेव येथील भगवान मार्कंडेश्वर महादेव मंदिर समूहाच्या जीर्णोद्धाराचे काम मागील दहा वर्षांपासून अजूनही सुरूच आहे. येत्या १५ फेब्रुवारी रोजी महाशिवरात्री आहे व दरवर्षी होणारी यात्रा प्रारंभ व्हायला अवघ्या दोन आठवड्यांचा कालावधी उरला असतानाही काम अद्याप पूर्ण न झाल्याने भाविकांमध्ये नाराजी व्यक्त होत आहे.