Nagpur News : संक्रांत कडू झाली! बापासमोरचं पोटच्या लेकराचा दुर्दैवी अंत; माजांने घेतला बळी

नागपूर : राज्यात आज सर्वत्र मकर संक्रांतीचा सण उत्साहात साजरा केला जात आहे. यादरम्यान नागपूर येथे एक वाईट बातमी समोर आली आहे. वडिलांसोबत दुचाकीवरून जात असलेल्या ११ वर्षीय मुलाचा नायलॉन मांजामुळे गळा कापल्याने मृत्यू झाल्याचा प्रकार समोर आला आहे. शहरातील जरीपटका पोलीस ठाण्याच्या हद्दीत ही दुर्दैवी घटना घडली.

वेद साहू असे मृत मुलाचे नाव असून शनिवारी सायंकाळी महात्मा गांधी शाळा येथून वडिलांसोबत दुचाकीवर जात होता. रस्त्यात अचानक मांजा आला आणि त्याचा गळा कापला गेला. घटनेनंतर लगेचच त्याला खाजगी रुग्णालयात नेण्यात आले. जखम गंभीर होती आणि उपचार मिळायला उशीर झाला.

मांजामुळे गंभीरित्या गळ्याला दुखापत झाल्याने मोठ्या प्रमाणात रक्तस्राव झाला होता. त्यानंतर त्याच्यावर उपचार सुरु होते. ऐन मकरसंक्रांतीच्या दिवशी सकाळीच ११ वर्षी चिमुरड्याचा मृत्यू झाला. मुलाचा मृत्यू झाल्याची माहिती कुटुंबीयांनी दिल्याचं वरिष्ठ पोलीस निरीक्षक संतोष बाकल यांनी दिली

दरम्यान नायलॉन मांजामुळे गळा कापण्याच्या घटना वाढल्या आहेत. अनेक दुचाकीस्वार अशा घटनेत जखमी झाले आहेत. या अपघातांपासून नागरिकांच्या सुरक्षेसाठी नागपूर शहरातील सर्व १२ उड्डाणफुल सकाळी ६ पासून सायंकाळी ६ पर्यंत बंद ठेवण्याता निर्णय घेण्यात आला आहे. पोलिसांनी खबरदारी म्हणून हा निर्णय घेण्यात आला आहे.