नागपूर - पोटाची खळगी भागविण्यासाठी चोरी करणारे अनेक असले तरी, घटस्फोटीत पत्नीला पोटगी देण्यासाठी एक जण चक्क सोनसाखळी चोर झाल्याची धक्कादायक माहिती समोर आली आहे. याप्रकरणी गुन्हेशाखेच्या सोनसाखळी विरोधी पथकाने चोरट्याला अटक केली. .कन्हैया नारायण बौराशी (वय-४२, रा. गणपती नगर, गोधनी रोड, मानकापूर) असे चोरट्याचे नाव आहे. पोलिसांनी दिलेल्या माहितीनुसार, बेलतरोडी पोलिस ठाण्याच्या हद्दीतील मनिषनगर परिसरात अलेलाय न्यू बालपांडे ले-आऊट येथे राहणाऱ्या जयश्री जयकुमार गाडे (वय-७४ ) या २२ फेब्रुवारीला किराण्याचे सामान घेऊन एसएसईबी डिपीजवळून पायी जात असताना, पाठीमागून दुचाकीवरून येणाऱ्या एका इसमाने त्याच्या गळ्यातील सोन्याची मोहनमाळ चोरून पसार झाला..याप्रकरणी बेलतरोडी पोलिसांनी गुन्हा दाखल केला. त्याच्या समांतर तपास पोलिस गुन्हेशाखेच्या सोनसाखळी विरोधी पथकाद्वारे करीत असताना, त्यांनी कन्हैया बौराशी याला ताब्यात घेतले. चौकशीत गेल्या दोन वर्षांपासून तो कुठलाही कामधंदा करीत नसल्याची बाब समोर आली. विशेष म्हणजे, काही वर्षांपूर्वी त्याचे पहिले लग्न झाले. त्यानंतर त्याचा घटस्फोट झाला..त्यामुळे न्यायालयाच्या आदेशानुसार त्याला पहिल्या पत्नीला पाच हजार रुपये द्यावे लागायचे. याशिवाय त्याने दुसरे लग्न केल्यावर त्याला दोन मुले झाली. घरचा खर्च आणि पहिल्या पत्नीला पोटगी द्यायची असल्याने त्याने सोनसाखळी चोरीचे काम सुरू केला..त्यातून त्याने बेलतरोडीत तीन आणि अजनीमध्ये दोन अशा पाच सोनसाखळी चोरी केल्यात. साहायक पोलिस निरीक्षक मंगला हरडे, मनीष बुरडे, संतोष गुप्ता, प्रफुल्ल मानकर, संदीप भोकरे, कुणाल लांगडे, संदीप पडोळे यांच्या पथकाने ही कारवाई केल्यावर त्याला बेलतरोडी पोलिसांच्या स्वाधीन केले..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
