‘तो माझ्यावर शंका घेतो, मला माहेरी सोडा’ असे म्हणत आत्महत्या

नागपूर : ‘तो माझ्यावर सतत शंका घेतो, माझे कुणाशीही काहीच सुरू नाही, मला माहेरी सोडा’ असे म्हणत २५ वर्षीय विवाहितेने गळफास (Married woman suicide) घेत आत्महत्या केली. ही घटना एमआयडीसी पोलिस ठाण्याच्या हद्दीत असलेल्या गजानननगर परिसरात घडली. ज्योत्सना रंजीत धुर्वे असे मृत विवाहितेचे नाव आहे. (Married woman suicide)

पोलिसांनी दिलेल्या माहितीनुसार, महिनाभरापूर्वी धुर्वे दाम्पत्य कामाच्या शोधात मध्यप्रदेशातून हिंगण्यातील गजानननगर येथे वास्तव्यास आले. रंजीत परिसरातील कंपनीत कामाला लागला. तो दररोज ज्योत्सनावर शंका (Doubt over character) घेऊन भांडण करायचा. त्यामुळे ती सतत ‘तो माझ्यावर शंका घेतो, मला माहेरी सोडून द्या. मला जायचे आहे’ असे म्हणायची.

शनिवारी सायंकाळच्या सुमारास त्याने दारू आणली. दारू पती-पत्नी प्यायले. त्यानंतर दोघांचीही शाब्दिक चकमक उडाली. यावेळीही रंजीतने ज्योत्सनावर शंका (Doubt over character) घेतल्याने ती आणखीच चिडली. तसेच तिने पुन्हा मला माहेरी सोडून द्या असे म्हटले. त्यामुळे रंजीत बाहेर निघून गेला. दहा मिनिटांत तो परत आला असताना त्याला ज्योत्सनाने दुप्पटाच्या सहायाने गळफास लावलेल्या अवस्थेत (Married woman suicide) दिसली.

रंजीतने तिला खाली उतरविले. तेव्हा तिच्या हृदयाचे ठोके सुरू असल्याने पाणी पाजले. त्यानंतर लगेच तिने प्राण सोडले. रंजीतने याची माहिती एमआयडीसी पोलिसांना (Police) दिली. त्यांनी घटनास्थळी दाखल होत मृतदेह उत्तरीय तपासणीसाठी शासकीय रुग्णालयात पाठविला. तसेच प्राथमिक तपासात अकस्मात मृत्यूची नोंद करीत तपास सुरू केला आहे.