नागपूर : सर्वोच्च न्यायालयाने तीन महिन्यात निवडणुका घेण्याचे आदेश दिल्यानंतर गेल्या काही दिवसांपासून महापालिका निवडणुकीची चर्चा रंगली होती. आता एक महिन्यांची मुदतवाढ दिल्याने निवडणूक लांबणीवर पडण्याचे संकेत आहेत. .अंतिम प्रभाग रचनेची अधिसूचना प्रसिद्ध करण्यासाठी यापूर्वी दिलेल्या तारखेत राज्य शासनाने बदल केला आहे. तसा शासनादेश नगरविकास विभागाने काढला आहे. हे बघता आता नवीन वर्षातच महापालिका निवडणुकीचा मुहूर्त निघण्याची शक्यता वर्तविली जात आहे..ओबीसी आरक्षणाबाबत सर्वोच्च न्यायालयाने अंतिम निर्णय अद्याप दिला नसला तरी महापालिकेची निवडणूक घेण्याचे निर्देश दिले आहे. हा आदेश धडकताच नव्याने प्रभाग रचनेचा कार्यक्रम हाती घेण्यात आला. चार सदस्यांचा प्रभागाचा निर्णय घेण्यात आला..यासाठी नोटिफिकेशन काढण्यात आले. त्यानुसार ११ जूनपासून प्रगणक गटाची मांडणी, गुगल मॅपवर नकाशे तयार करणे, ८ ते १० जुलैला प्रभाग रचनेचा मसुदा तयार करणे, २२ जुलै रोजी प्रभाग रचना प्रसिद्ध करून त्यावर ३१ जुलैपर्यंत त्यावर हरकती व सूचना मागवणे, १२ ते १८ ऑगस्टला प्रभाग रचनेचा प्रस्ताव राज्य निवडणूक आयोगास सादर करणे, त्यानंतर २९ ऑगस्ट ते ४ सप्टेंबर निवडणूक आयोगाने अंतिम केलेल्या प्रभाग रचनेच्या अधिसूचनेस प्रसिद्ध असा कार्यक्रम आखून दिला होता..आता अंतिम प्रभाग रचना अधिसूचना प्रसिद्ध करण्यासाठी ३ ऑक्टोबर ते ६ ऑक्टोबर अशी जवळपास एक महिन्याची मुदत वाढवून देण्यात आली आहे. जुन्या कार्यक्रमावरून दिवाळीत निवडणुका होतील असा अंदाज घेऊन सर्वच राजकीय पक्षांनी तयारी सुरू केली..भाजप कार्यकर्ते बुचकळ्यातनागपुरात भाजपने ‘मोदी सरकार ग्यारह साल बेमिसाल'' उपक्रम राबवून तयारी चालवली आहे. चारशे सभा व बैठका घेण्याचे नियोजन केले आहे. पक्ष संघटनेत मोठे बदल केले आहेत. उमेदवारांची चाचपणी सुरू केली. परंतु आता प्रभाग रचनेचा कार्यक्रम पुढे ढकलला आहे. डिसेंबर महिन्यात अधिवेशन आटोपल्यानंतर निवडणुकीची तारीख जाहीर होईल आणि निवडणूक नव्या वर्षातच निवडणूक होईल, असा तर्क लावला जात आहे..13-year-old boy electrocuted: दुर्दैवी! क्रिकेट खेळताना १३ वर्षांच्या मुलाला विजेचा शॉक लागल्याने गमवावा लागला जीव.नगर विकास विभाग आयोगाकडे सादर करणार प्रस्तावसुधारित आदेशामध्ये हरकती आणि सूचनांसाठी केवळ ७ दिवस तर हरकतींच्या सुनावणीसाठी १० दिवस देण्यात आलेत. विशेष म्हणजे पूर्वीच्या आदेशानुसार मनपा आयुक्तांमार्फत अंतिम प्रभाग रचना राज्य निवडणूक आयोगाकडे मान्यतेस सादर करणार होते. परंतु सुधारित आदेशानुसार आता आयुक्त नगर विभागाकडे अंतिम प्रभाग रचनेचा कार्यक्रम सादर करेल. त्यानंतर नगर विकास विभागाचे अपर मुख्य सचिव (नवि-१) व प्रधान सचिव (नवि-२) मंत्रालय हे प्रभाग रचनेचा प्रस्ताव निवडणूक आयोगाकडे सादर करणार आहेत..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
