Nagpur:उपराजधानीत होणार पहिले मुस्लिम मराठी साहित्य संमेलन, वैचारिक लेखन आणि ऐतिहासिक लेखनावर होणार चर्चा

Muslim Marathi Literature Summit: भारतीय मुस्लिम परिषदेच्या वतीने पहिले राज्यस्तरीय मुस्लिम मराठी साहित्य संमेलन १८ फेब्रुवारीला पंचशीलचौक येथील टिळक पत्रकार भवनातील सभागृहात आयोजित करण्यात आले आहे. सकाळी १० वाजता संमेलनाचे उद्घाटन होईल. मराठी साहित्य सार्वस्वतात मुस्लिम मराठी साहित्य प्रवाह स्थिरावला असून संमेलनात कथा, कादंबरी, वैचारिक लेखन, ऐतिहासिक लेखनावर राज्यभरातील लेखक चर्चा करणार आहेत.

पहिल्या राज्यस्तरीय मुस्लिम मराठी साहित्य संमेलनात प्रा फ. म. शहाजिंद (लातूर), अॅड. फिरदोस मिर्झा (नागपूर), प्रा. युसूफ बेन्नूर (औरंगाबाद), निरंजन टकले (नाशिक), प्रा. मुहिद कादरी (उस्मानाबाद), डॉ. अमिताभ पावडे (नागपूर), जगजित सिंग (नागपूर), डॉ. शाहीद जाफरी (नागपूर), शकील पटेल

(नागपूर), प्रा. दशरथ मडावी (नागपूर), शालिक जिल्हेकर (नागपूर), अब्दुर कादर मुकादम (मुंबई), प्रा. अनिस बेग (वर्धा), प्रा. सय्यद अल्लाउद्दीन (बीड), डॉ. रफिक शेख (नाशिक), डॉ. रोशन खान (नागपूर), प्रा. मनोहर नाईक (नागपूर), डॉ. भोला सरवर (नागपूर), दत्तात्रय कल्याणकर (धुळे), स्नेहा फदाले (मुंबई), अंजना कर्णिक (मुंबई), सुप्रिया गोटेकर (अकोला), वकील अहमद शेख (आलापल्ली), डॉ. प्रकाश राठोड विविध परिसंवाद, मुक्त चर्चेत सहभागी होणार आहेत. (Latest Marathi News)

या संमेलनाच्या आयोजनासाठी प्रा. रमेश पिसे, प्रा. असलम बारी, डॉ. वहीद पटेल, रजनी बोधी, फिरोज अहमद, अॅड. वकील अख्तर, हिफजुर्रहमान खान, वहीद खान, सुषमा कळमकर, मिर्जा वहाब बेग, राजीक खान, मोहसीन शेख, हनिफ कुरेशी, आबिद कुरेशी, सय्यद मुजम्मील परिश्रम घेत आहेत. भारतीय मुस्लिम परिषद, फुले आंबेडकरीय विचार मंच यांच्या सहकार्यातून हे संमेलन होत आहे. माहितीसाठी ८४५९५६३४८९ या मोबाईल क्रमांकावर संपर्क साधावा.

पथनाट्याचे सादरीकरण

■ उपराजधानीत होणाऱ्या पहिल्या मुस्लिम मराठी साहित्य संमेलनात 'पथनाट्य' पथनाट्याचे सादरीकरण होणार आहे. यातून अस्वस्थ वर्तमानाचे चित्र सादर करण्यात येईल. तर राज्यस्तरीय कवी संमेलनातूनही सामाजिक सांस्कृतिक परिवर्तनाचा संदेश देण्यात येणार असल्याची माहिती संमेलनाचे निमंत्रक प्रा. जावेद कुरेशी यांनी पत्रकारांना दिली. (Latest Marathi News)