डिजिटल इंडियाला प्रोत्साहन देण्यासाठी ऑनलाइन व्यवहारांवर भर दिला जात आहे. मात्र असे असताना या डिजिटल पेमेंटचा फटका बसत असल्यानं नागपूर जिल्ह्यातल्या पेट्रोल पंप चालकांनी डिजिटल पेमेंट न स्वीकारण्याचा निर्णय घेतलाय. १० मे पासून जिल्ह्यातील कोणत्याच पेट्रोल पंपावर डिजिटल पेमेंट स्वीकारले जाणार नाही. विदर्भ पेट्रोल असोसिएशनने असा निर्णय़ घेतला असून यामुळे ग्राहकांना मोठा फटका बसण्याची शक्यता आहे.