Ganesh Visarjan
esakal
नागपूर, : शहरात शुक्रवारी (ता.२५) अनंत चतुर्दशीच्या दिवशी गणेशोत्सवाच्या विसर्जन मिरवणुकीच्या पार्श्वभूमीवर नागपूर पोलिसांनी शहरात कडेकोट सुरक्षा व्यवस्था केली आहे. शहरातील १ हजार ७०२ सार्वजनिक गणेश मंडळे आणि अंदाजे २ लाख ४ हजार घरगुती गणेशमूर्तींचे विसर्जन होणार असून, त्यासाठी सुमारे ६ हजार ४०० पोलिस अधिकारी व अंमलदारांचा बंदोबस्त तैनात करण्यात येणार आहे. यंदा गणेश विसर्जनावर पोलिसांकडून ड्रोनने नजर ठेवण्यात येणार असल्याची माहिती पोलिस आयुक्त विश्वास नांगरे पाटील यांनी आज येथे पत्रकारपरिषदेत दिली
