नागपूर : मांसाहारप्रेमींना महागाईच्या झळा | Sakal
sakal

बोलून बातमी शोधा

Nagpur Inflation non vegetarian chicken feed price increase

नागपूर : मांसाहारप्रेमींना महागाईच्या झळा

नागपूर : इंधन दरवाढ, कोंबडीच्या खाद्यात झालेल्या दरवाढीमुळे चिकन आणि मटण महाग झाले आहे. मटणाचे दर वाढल्याने मांसाहारप्रेमी चिकनकडे वळले होते. मात्र, आता चिकनचे भावही वधारले आहेत. त्यामुळे मांसाहार करणे सर्वसामान्यांच्या खिशाला परवडत नसल्याचे जिभेला आवर घालण्याशिवाय दुसरा पर्यायच उरला नाही.

विदर्भात मोठ्या प्रमाणात पोल्ट्री व्यवसाय करणारे व्यावसायिक आहेत. कोरोनाच्या पहिल्या लाटेत पोल्ट्रीचालकांना मोठा फटका बसला होता. अनेकांना फुकटात कोंबड्या वाटप कराव्या लागल्या. मात्र, दीड वर्षापूर्वी हेच दर १२० ते १४० रुपये प्रती किलोपर्यंत होते. आता चिकनचे दर दुप्पट झाले आहेत.

२५० ते २७० रुपये प्रतिकिलो दराने चिकनची विक्री होत आहे. कोरोन काळात बाजारात चिकनच्या दरात मोठी घट झाली होती. पूर्वी ८० ते ९० रुपयांना मिळणारी जिवंत कोंबडी आज १२० रुपये प्रतिकिलो दराने खरेदी करावी लागत आहे. त्यामुळे चिकनची २६० ते २८० रुपये प्रतिकिलो दराने विक्री केली जात आहे. वाढत्या उन्हामुळे कोंबड्यांची संख्या कमी झालेली आहे. त्यामुळे अजून दर वाढण्याची शक्यता व्यक्त केली जात आहे.

गावरानचे दर वाढले

बॉयलर चिकनचे दर वाढत असताना दुसरीकडे गावरान चिकनच्या (जिवंत कोंबडा) दरातही वाढ झालेली आहे. पूर्वी ५५० ते ६०० रुपये किलो दराने विक्री होत होती. त्यातही १०० ते १ रुपये किलोमागे वाढ झालेली आहे. हैदराबादी कोंबडीचे दर ३२० रुपये किलो असल्याचे विक्रेत्यांनी सांगितले. जानेवारीपासून अंड्याचे भाव कमी झालेले आहे. सध्या उत्पादन कमी झालेले असले तरी ठोक बाजारात प्रति नग अंडे चार रुपयावर आलेला आहे. किरकोळ बाजारात प्रति नग पाच रुपये विकले जात आहे. अंड्याचे दर कमी असताना किरकोळ विक्रेत्यांकडून वाढलेल्या दरातच अंड्यांची विक्री केली जात आहे.

सोहेल बशीर खान, संचालक सुविधा एग्ज

पोल्ट्रीसाठी लागणारे खाद्य, औषधी, वाहतूक, वाढलेल्या किमतीमुळे चिकनचे दर वाढले आहेत. खाद्याचे दर दुप्पट झाले असल्याने पक्ष्यांचा सांभाळ करण्यास १०५ ते ११० ते रुपयांपर्यंत खर्च येतो आहे. उन्ह वाढल्याने कोंबड्यांची अधिक काळजी घ्यावी लागते. त्याचाही खर्च वाढलेला आहे.

- सुधीर दुद्दलवार, संचालक, पोल्ट्री फॉर्म

Web Title: Nagpur Inflation Non Vegetarian Chicken Feed Price Increase

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top