Nagpur News: प्रादेशिक मनोरुग्णालयाच्या विशेष मोहिमेतून महिलांना मिळाले नवे जीवन; १७ राज्यांतील १८० महिलांना मिळवून दिले कुटुंब

केवल जीवनतारे

नागपूर : मृत समजून घरच्यांनी पिंडदान, श्राद्ध आणि फोटोला हार घातले. मात्र, त्या जिवंत होत्या. विविध राज्यांतील अशा महिलांच्या आयुष्यात प्रादेशिक मनोरुग्णालयातील उपचारांनी नवे वळण दिले. मानसिक आरोग्य सुधारलेल्या महिलांचा शोध सामाजिक अधीक्षकांच्या विशेष मोहिमेतून घेण्यात आला. तब्बल १८० महिलांना अनेक वर्षांनंतर कुटुंब पुन्हा मिळाले.