Nagpur Police: हरियानातील गॅंगस्टरना माथनीत घातल्या बेड्या, कोट्यवधीची घेतली खंडणी; रायफलने गोळ्या झाडून माजविली दहशत

Nagpur Police Arrested gangsters From Hariyana: हरियानात खंडणी आणि चोऱ्या करून धुमाकूळ घालणाऱ्या गॅगस्टरला माथनीजवळ पोलिसांनी ताब्यात घेतले. त्यांनी कोट्यवधीची खंडणी वसुली केली. तसेच ९९९ मोबाईल शॉपीसमोर रायफलने गोळीबार केल्याची माहिती मिळाली. पाच आरोपींना ताब्यात घेतले आहे.

बम्बया नीरज फिरोदिया याच्या टोळीने हरियानामध्ये धुमाकूळ घातला. अनेक ठिकाणी चोऱ्या करून लोकांना वेठीस धरले. तर काही ठिकाणी कोट्यवधीची खंडणी वसूल केल्याचे गुन्हे त्यांच्यावर आहेत. आरोपी भगतसिंग तेवतीया (वय २६), रवींद्र सूरजमल दागर (वय २४) नरेंद्र ऊर्फ बिंदर राजेन्द्र तेवतीया (वय २५), सलमान शेरदिन खान (वय १९) रा. छपरोला, ता.जि. पलवल (हरियाना), गौरव शिवसिंग तेवतीया, (वय १९) सर्व रा. रा. छपरोला, ता.जि.पलवल (हरियाना) यांना अटक करण्यात आली आहे.

हे पाचही आरोपी विविध गुन्ह्याखाली पोलिसांना हवे होते. टोळीतील पाचही आरोपी मौदा मार्गे रायपूर येथे जात असल्याची माहिती पोलिसांना मिळाली. आज, सकाळी पोलिस अधिकारी अनिल मस्के, मौद्याचे वरिष्ठ पोलिस निरीक्षक सतीशसिंह राजपूत यांना माहिती मिळावी. त्यांनी सापळा रचून आरोपीला अटक करण्यासाठी माथनीजवळ थांबले. ज्या वाहनाने आरोपी येत होते. त्या वाहनाला थांबविण्यात आले. (Latest Marathi News )

वाहनाची तपासणी केल्यानंतर त्यात पाचही आरोपी असल्याचे दिसून आले. पोलिसांनी पाचही आरोपींना अटक केली. वरिष्ठ पोलिस निरीक्षक ओमप्रकाश कोकाटे यांनी घटनास्थळी भेट दिली. त्यांची कसून चौकशी केल्यानंतर आरोपींनी गुन्ह्याची कबुली दिली. नागपूर पोलिसांना पाचही आरोपींना हरियाना पोलिसांच्या स्वाधीन केले.