Crime : पत्नीच्या हत्येनंतर फरार झाला, ४ दिवसांनी घरी येत नाटक रचलं; धायमोकलून रडला, पोलिसांनी भावासह तुरुंगात डांबला

नागपूर, ता. १३ ः पतीने चारित्र्यावर संशय घेऊन भावाच्या मदतीने प्राध्यापक पत्नीचा खून केल्याची माहिती समोर आली आहे. हुडकेश्वर पोलिस ठाण्याच्या हद्दीतील लाडीकर ले आऊट येथे शनिवारी (ता. १२) रात्री ९.३० वाजताच्या सुमारास शासकीय वैद्यकीय महाविद्यालयाच्या फिजिओथेरपी विषयाच्या प्राध्यापिका डॉ. अर्चना अनिल राहुले यांचा मृतदेह संशयास्पद स्थितीत आढळून आला होता. याप्रकरणी पोलिसांनी दोघांनाही अटक केली.