Nagpur: खासगी रुग्णालयात बिलावरुन वाद अन् नातेवाईक आणि डॉक्टरांमध्ये गोंधळ

Nagpur Dhantoli Chaos in Private Hospital: धंतोली येथील एका खासगी रुग्णालयात उपचाराच्या बिलावरून नातेवाईक व डॉक्टरांमध्ये वाद झाल्याची घटना घडली. वेळीच पोलिसांनी धाव घेत नातेवाईकांची समजूत काढल्यानंतर प्रकरण शांत झाले.
याबाबत असे की, उपचारासाठी धंतोलीतील एका खासगी रुग्णालयात एक रुग्ण दाखल झाला. उपचारातून बरा झाल्यानंतर नातेवाइकांच्या हाती बिल देण्यात आले.

बिलामध्ये जादा शुल्क आकारण्यावरून रुग्णाचे नातेवाईक आणि डॉक्टरांमध्ये शाब्दीक चकमक झाली. यानंतर मात्र बिल भरण्यास नातेवाइकांनी नकार देत डॉक्टरला धमकी देत होते. नातेवाईक गोंधळ करीत असल्याची वार्ता धंतोली पोलिसांना कळविण्यात आली. तत्काळ पोलिसांचा ताफा दाखल झाला.

पोलिसांनी दिलेल्या माहितीनुसार नातेवाईकांकडून बिलाची रक्कम अदा करण्यात आली नाही. यामुळे रुग्णाला सुटी देण्यात आली नसल्याचे सांगण्यात आले. पैसे भरण्यास नातेवाइकांनी नकार दिल्याचे सांगण्यात आले. यावरून वादाला तोंड फुटले. पोलिसांनी मध्यस्थी केल्यानंतर मात्र प्रकरण शांत झाले. (Latest Marathi News)