Nagpur Crime: मिनी बॉम्ब प्रकरणातील आरोपीचा जामीन रद्द; पोलिसांचे प्रयत्न झाले सफल, आरोपी अटकेत

Mini Time Bomb Case Court Denied Bail: वर्धा जिल्हा सत्र न्यायालयाचे न्यायाधीश भारुका यांनी मिनी बॉम्ब प्रकरणाचे गांभीर्य ओळखून आरोपी देवेश हिंगवे याला येथील दिवाणी व फौजदारी न्यायालयाने दिलेला जामीन रद्द करीत त्याला पोलिस कोठडीत ठेवण्याचे आदेश पारित केले. पोलिसांनी शुक्रवारी (ता.आठ) आरोपीला अटक करून तपास सुरू केला आहे. मात्र यामुळे पोलिसांना दिलासा मिळाला असून उत्साहाचे वातावरण निर्माण झाले आहे.

विठ्ठलवॉर्डातील ज्ञानेश्वर कारमोरे यांच्या मुलाचे लग्न वकिली व्यवसाय करणाऱ्या मुलीसोबत जुळले. हे लग्न होवू नये म्हणून एकतर्फी प्रेम करण्याऱ्या आरोपीने या परिवाराला धमकावण्याकरिता युट्युबच्या माध्यमातून बॉम्ब बनविण्याची माहिती गोळा करीत एक बॉम्ब त्यांच्या घराच्या फाटकाला लावला होता. या प्रकरणी पोलिसांनी गुन्हा दाखल करून आरोपीला अटक केली होती. (Latest Marathi News )

मात्र, न्यायालयाने जामीन दिल्याने पोलिसांनी वरच्या कोर्टात धाव घेतली. येथील सहाय्यक पोलिस निरीक्षक तथा तपास अधिकारी प्रशांत पाटणकर यांनी वर्धा जिल्हासत्र न्यायालयात पोलिसांची बाजू मांडली आणि प्रकरणाचे गांभीर्य समजावून सांगितले. त्यांचे म्हणणे ऐकून घेतल्यानंतर वर्धा जिल्हा सत्र न्यायालयाच्या मुख्य न्यायाधिशांनी दिवाणी व फौजदारी न्यायालयाच्या न्यायाधीशांनी आरोपीला दिलेला जामीन रद्द करून आरोपीला पोलिस कोठडीत ठेवण्याचे आदेश दिले.

वाढवली पोलिस कोठडी

या प्रकरणातील आरोपी देवेश हिंगवे याने शुक्रवारी (ता.आठ) दिवाणी व फौजदारी न्यायालयाचे न्यायाधीश व्ही. आर. घारळ यांनी शुक्रवार (ता.१५) पर्यंत वाढवून पोलिस कोठडी देण्याचा आदेश पारित केला. (Latest Marathi News )