Nagpur YouTuber Vijay Khavase
esakal
नागपूर : वाडी पोलिस ठाण्याच्या हद्दीत सट्टापट्टी अड्ड्यावरून वसुली करणाऱ्या एका युट्यूबर विरोधात पोलिसांनी गुन्हा दाखल केला आहे. विशेष म्हणजे, दोन दिवसांपूर्वी जरीपटका पोलिसांची प्रतिमा मलिन केल्याप्रकरणी त्याच्याविरोधात गुन्हा दाखल केला होता. डब्लूएच न्यूजचे संचालक विजय सीताराम खवसे (वय ५०) असे गुन्हा दाखल करण्यात आलेल्या युट्यूबरचे नाव आहे. मिळालेल्या माहितीनुसार, १२ जानेवारीला वाडी पोलिस व डीसीपींच्या विशेष पथकाने एमआयडीसी टी प्वॉइन्ट परिसरातील बक्षी लेआऊट येथील सट्टापट्टी अड्ड्यावर छापा टाकला.