सबस्क्राईब करा
Nagpur News : शहरात सिमेंट काँक्रिट रस्त्यांच्या कामामुळे तब्बल नऊ रस्ते वाहतुकीसाठी बंद करण्यात आले आहेत. ३१ ऑक्टोबरपर्यंत काम पूर्ण होणार असल्याने सुमारे पाच महिने हे रस्ते बंद राहतील.
मनीषनगर रेल्वे क्रॉसिंग ते पावनभूमी मुख्य रस्ता व महादेव मंदिर रस्ता, हंम्पयार्ड रोड ते जनता चौक आणि आनंद टॉकीज ते धंतोली पोलिस स्टेशन (पुलापर्यंत), देवनगर चौक ते स्वामी विवेकानंद चौक ते गजानननगर,
भारत पेट्रोल पंप (जॉगर्स पार्क- सावरकर गार्डन) फुटबॉल गाऊंडपर्यंत, जय दुर्गा ट्रॅवल्स ते आरबीआय कॉलोनी, जयप्रकाशनगर, न्यू स्नेहनगर खामला रोड ते मालवीयनगर, नीरी रोड ते आठ रस्ता चौक वाहतूक बंद करण्याचे आदेश मनपा आयुक्त तथा प्रशासक डॉ. अभिजित चौधरी यांनी दिले.
या सर्व रस्त्यांच्या कामाच्या ठिकाणी सूचना फलक व काम सुरू केल्याची, काम पूर्ण करण्याची दिनांक नमूद करावे.
कंत्राटदाराने स्वतःचा पत्ता व संपर्कासाठी मोबाईल क्रमांक असलेला बोर्ड लावावा.
पर्यायी मार्ग सुरू होतो, त्याठिकाणी दोन्ही टोकांवर तसेच बॅरिकेट्स जवळ रोडवर वाहतूक सुरक्षारक्षक, स्वयंसेवक नेमावे.
मलबा वाहतुकीस अडथळा निर्माण होईल असा रस्त्यावर टाकू नये. त्याकरिता विशेष व्यवस्था करावी. रस्त्यावर झालेले खड्डे तात्काळ बुजवून त्यावर सिमेंटीकरण, डांबरीकरण करावे, असे नमूद केले आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.